Custodio Peñarrocha Llavador (Valencia, País Valenciano, 27 de noviembre de 1911 - Granada, Andalucía, 17 de chinero de 1970) estió un musico, politico y sindicalista valenciano, consellero d'Industria y Comercio d'o Consello Rechional de Defensa d'Aragón.
Biografía Naixiu de Valencia, estió profesor y catedratico de Fisica y Quimica en os institutos de Chaca (1933-1936) y Casp (1936-1937) Los institutos de Jaca, Barbastro y Caspe durante la II República. Mariano Amada Cinto.. Amás estió concellero en o Concello de Chaca representando a o Frent Popular, estando o 10 de mayo de 1936 agrediu por un mando militar en dita ciudat.
En producir-se o golpe d'estau y esclatar a Guerra Civil Espanyola eslampa ta Balbastro a on ye nombrau o 31 d'agosto de 1936 delegau por Balbastro en o comité provincial d'a UGT. Dimpués s'alistará en as milicias aragonesas que yeran luitando en o frent de Boltanya.
En aviento de 1936, ya en Casp, ye nombrau consellero d'Industria y Comercio d'o nuevo gubierno d'o Consello Rechional de Defensa d'Aragón en representación d'o PCE, cargo que ocupará dica abril de 1937.
Cuasi en rematar a guerra, en marzo de 1939 fue feito preso en o puerto d'Alicant cuan miraba d'eslampar en barco a l'exilio chunto a la suya muller, Libertad Mingorance. Chuzgau en Chaca o 29 d'aviento de 1941, en primeras ye condenau a muerte Nombres de una guerra en la villa de Sariñena. Os Monegros, pero dimpués a pena le ye conmutada y ye engarcholau en Burgos dica l'anyo 1953 cuan ye liberau y marcha con a suya familia ta Granada a on morirá o 17 de chinero de 1970.
Referencias
Vinclos externos Custodio Peñarrocha Llavador en Con Nombre & Apellidos Custodio Peñarrocha Llavador en buscar.combatientes.es Expo Consejo de Aragón
Categoría:Concellers d'o Concello de Chaca Categoría:Gubierno Ascaso Categoría:Naixius de Valencia Categoría:Muertos en Granada Categoría:Musicos d'o País Valenciano Categoría:Politicos d'o País Valenciano Categoría:Politicos d'o Partido Comunista de España Categoría:Sindicalistas d'Espanya Categoría:Sindicalistas d'a Unión General de Trabajadores Categoría:1911 (naixencias) Categoría:1970 (naixencias)