L'Instituto Aragonés d'a Choventut (en castellano Instituto Aragonés de la Juventud, por as suyas sieglas IAJ) ye un organismo autonomo d'a Deputación Cheneral d'Aragón que pende d'o Departamento de Desregulación, Bienestar Social y Familia.
Descripción L'IAJ fue creyau o 10 d'aviento de 2001 Ley 19/2001, de 4 de diciembre, del Instituto Aragonés de la Juventud. Boletín Oficial de Aragón, numero 145, de 10 de diciembre de 2001. con l'obchectivo de promover l'autonomía y a emancipación, asinas como amillorar a calidat de vida d'a choventut aragonesa. Tien seus en as ciudaz de Uesca, Teruel y Zaragoza.
Funcions y servicios Entre as finalidaz de l'Instituto Aragonés d'a Choventut se troban: Acerca del... Instituto Aragonés de la Juventud (IAJ)
Desarrollar y executar as politicas d'o Gubierno d'Aragón que miran de promover a participación d'os chóvens en o desarrollo politico, social, economico y cultural. Favoreixer l'autonomía personal y a inserción social d'os chóvens. Luitar contra as desigualdaz socials, asinas como as posturas racistas y sexistas entre a choventut. Millorar a calidat de vida d'os chóvens a traviés de politicas de millora d'emplego y acceso a una vivienda digna. Empentar un espleit optimo d'os recursos publicos destinaus a la choventut. Coordinar as actividaz d'as institucions publicas y privadas en materia de choventut.
Pa isto ofeixe de gufanya a os chóvens d'entre 14 y 30 anyos (u dica 35 en bels casos) asesorías sobre vivienda, programas europeus, esportes y actividaz a l'aire libre, educación sexual u prevención dichital Asesorías del Instituto Aragonés de la Juventud y da aduyas y subvencions a chóvens que fan parti de prochectos de cooperación internacional, programas de bienestar, actividaz de verano u campos de voluntariau entre atras Ayudas y subvenciones del Instituto Aragonés de la Juventud.
L'IAJ chestiona tamién una escuela de formación permanent que tien l'obchectivo d'ofreixer cursos, tallers y chornadas pa completar a formación d'os chóvens aragoneses Escuela de Formación Permanente del Instituto Aragonés de la Juventud (IAJ), asinas como un ret d'escuelas de rato perdiu que ofreixen formación pa monitors y directors d'actividaz de rato perdiu infantil y chovenil. Escuelas de Tiempo Libre de Aragón
L'Observatorio Aragonés d'a Choventut creyau por l'IAJ, tien como obchectivo conoixer a realidat d'a choventut aragonesa pa mirar d'orientar as politicas de choventut a las suyas necesidaz en coordinación con atros departamentos d'a Deputación Cheneral d'Aragón. Observatorio Aragonés de la Juventud
Tamién ye a suya competencia a chestión de dos residencias estudiantils en l'Almunia de Donya Godina y en Zaragoza Residencias juveniles, de tres albiergos chovenils situaus en l'Almunia de Donya Godina, o Pueyo de Tena y Zaragoza Albergues juveniles, y de dos centros socials en Teruel y Zaragoza Espacios y salas del Instituto Aragonés de la Juventud (IAJ).
Coordina y chestiona a obtención d'o Carnet Choven Europeu y o Carnet d'Alberguista en Aragón con os que os chovens pueden obtener acceso y descuentos en diferents actividaz culturals, d'ocio y transporte. Carnés gestionados por el Instituto Aragonés de la Juventud (IAJ)
Referencias
Vinclos externos En a web d'o Departamento de Desregulación, Bienestar Social y Familia En Facebook En Instagram En X En Youtube
Categoría:Departamento d'Afers Socials d'a Deputación Cheneral d'Aragón Categoría:Organismos autonomos d'a Deputación Cheneral d'Aragón Categoría:Choventut en Aragón