Iste articlo ye sobre una cinta estausunidense de comedia dramatica belica; ta la novela sobre la cual se basa, se veiga The Secret of Santa Vittoria (novela).
The Secret of Santa Vittoria (títol orichinal en anglés, en aragonés O secreto de Santa Vittoria, estrenada en Aragón con o suyo títol traduciu enta lo castellano como El secreto de Santa Vittoria) ye una cinta de cine estausunidense de cine de comedia dramatica belica estrenada l'anyo 1969, dirichida por Stanley Kramer seguntes un guión adaptau por William Rose (basau en una historia de Ben Maddow basada a la vegada en a novela The Secret of Santa Vittoria, que heba publicau Robert Crichton l'anyo 1966), con una banda sonora orichinal d'Ernest Gold, una dirección de fotografía de Giuseppe Rotunno, una producción cinematografica de Stanley Kramer y George Glass ta la productora cnematograficaThe Stanley Kramer Corporation y que conta con un elenco d'actors d'o cual en fan parte, entre d'atros, Anthony Quinn, Virna Lisi, Hardy Krüger, Sergio Franchi, Anna Magnani, Renato Rascel, Giancarlo Giannini, Patrizia Valturri, Eduardo Ciannelli, Leopoldo Trieste y Quinto Parmeggiani
En o verano de 1943, mientres a Segunda Guerra Mundial, plega la noticia enta Santa Vittoria de que lo rechinen de Benito Mussolini ha cayiu. O lugar poseye una sola fuent de riqueza, lo vin, d'o cual en tienen almagacenadas una mica mas d'1.300.000 botellas. Italo Bombolini, a qui toz (prencipiando por a suya muller) desabantan, puya en una alta torre ta borrar una pintada glorificando a Mussolini que heba feito anyos entazaga y los vecins d'o lugar creyen que va a suicidar-se y cridan o suyo nombre. Os dirichents faixistas d'o lugar creyen que los vecins han esleyiu a Bombolini como portavoz en sentir-lo, y deciden ceder una mica ta no perder-lo tot, asinas que li ufren l'alcaldía, que Bombolini accepta. Pero bien luego plega la noticia de que las tropas alemanas plegan enta la ciudat ta levar-se todo lo vin acumulau. Encara que los suyos vecins pensaban bien mañ d'él, Bombolini prepara un plan ta salvar a mayor parte d'as botellas, aduyau por un soldau faixista feriu orichinario d'o ugar y que se i ha refuchiau, de dos o tres amigos suyos y d'una marquesa antifaixista vídua d0un militar que ha tornau enta lo lugar. Finalment consiguen convencer a los vecins y amagan o vin. En plegar os alemans tot marcha bien, dica que los alemans reciben a noticia de que l'inventario de botellas real yera d'1.300.000 botellas y o pas de 300.000 como se lis heba dito. O chefe alemán, von Prum, preba por todas as maneras posibles de conoixer a on se i troban ixas otellas que faltan.
A cinta s'ambienta en 1943 en o Lazio en Italia, y las suyas escenas se filmoron en Anticoli Corrado y Tivoli (Ciudat metropolitana de Roma) y Capranica (provincia de Viterbo), amás d'en os Cinecittà Studios en Roma. Localizacions de The Secret of Santa Vittoria en Internet Movie Database.
Se tracta d'una cinta que ha recibiu bels premios y nominacions, en destacando un Premio Globo d'Oro a la Millor Cinta de Musical u Comedia en 1970 mientres a 27ena edición d'os Premios Globos d'Oro, amás de cinco nominacions (Millor Director, Millor Actor de Musical u Comedia, Millor Actriz de Musical u Comedia, Millor Banda Sonora Orichinal y Millor Canción Orichinal); y dos nominacions a los Premios Oscar (Millor Montache y Millor Banda Sonora Orichinal) en 1970 mientres a 42ena edición d'os Premios Oscar.
Elenco The Secret of Santa Vittoria en Internet Movie Database. {|class="wikitable sortable" style="font-size: 90%;"
! style="background:#ABD2D0;" | Actor ! style="background:#ABD2D0;" | Papel ! style="background:#ABD2D0;" | Notas
| ''
Se veiga tamién Cine en 1969. Cintas de 1969.
Referencias
Vinclos externos
The Secret of Santa Vittoria en Internet Movie Database. The Secret of Santa Vittoria en Rotten Tomatoes. The Secret of Santa Vittoria en l'American Film Institute Catalog de l'American Film Institute''. The Secret of Santa Vittoria en TCM Movie Database.
Categoría:Cintas ambientadas en o Lazio Categoría:Cintas ambientadas en 1943 Categoría:Cintas con banda sonora orichinal d'Ernest Gold Categoría:Cintas con dirección de fotografía de Giuseppe Rotunno Categoría:Cintas con guión de William Rose Categoría:Cintas con montache d'Earle Herdan Categoría:Cintas con montache de William A. Lyon Categoría:Cintas de cine belico Categoría:Cintas de cine de comedia Categoría:Cintas de cine de drama Categoría:Cintas d'Estaus Unius Categoría:Cintas dirichidas por Stanley Kramer Categoría:Cintas en alemán Categoría:Cintas en anglés Categoría:Cintas en italiano Categoría:Cintas en latín Categoría:Cintas en Color by DeLuxe Categoría:Cintas en Panavision Categoría:Cintas interpretadas por Anna Magnani Categoría:Cintas interpretadas por Anthony Quinn Categoría:Cintas interpretadas por Eduardo Ciannelli Categoría:Cintas interpretadas por Giancarlo Giannini Categoría:Cintas interpretadas por Hardy Krüger Categoría:Cintas interpretadas por Leopoldo Trieste Categoría:Cintas interpretadas por Patrizia Valturri Categoría:Cintas interpretadas por Quinto Parmeggiani Categoría:Cintas interpretadas por Renato Rascel Categoría:Cintas interpretadas por Sergio Franchi Categoría:Cintas interpretadas por Virna Lisi Categoría:Cintas producidas por George Glass Categoría:Cintas producidas por Stanley Kramer Categoría:Cintas rodadas en Anticoli Corrado Categoría:Cintas rodadas en Capranica Categoría:Cintas rodadas en Roma Categoría:Cintas rodadas en Tivoli Categoría:Cintas de cine sobre a Segunda Guerra Mundial Categoría:Premio Globo d'Oro a la Millor Cinta de Musical u Comedia