Tumbleweed (títol orichinal en anglés, en aragonés Planta rodadora, estrenada en Aragón con o títol en castellano de Sombras en el rancho, en aragonés Uembras en o rancho) ye una cinta de cine de western de cine estausunidense estrenada l'anyo 1953, dirichida por Nathan Juran seguntes un guión adaptau por John Meredyth Lucas (basau en Three Were Renegades, un relato de Kenneth Perkins publicau l'anyo 1938 en a revista Blue Book y como novela independient l'anyo siguient), con una banda sonora orichinal de Henry Mancini, Milton Rosen y Herman Stein (encara que no acreditaus), una dirección de fotografía de Russell Metty y una producción cinematografica de Ross Hunter ta la productora cinematografica Universal International Pictures. Conta con un elenco formau por Audie Murphy, Lori Nelson, Chill Wills, Roy Roberts, Russell Johnson, K. T. Stevens, Madge Meredith, Lee Van Cleef, I. Stanford Jolley, Ralph Moody, Ross Elliott, Eugene Iglesias, Phil Chambers, Lyle Talbot, King Donovan y Harry Harvey, entre d'atros actors.

Jim Harvey salva la vida d'un guerrero yaqui de camín ta guiar una caravana a traviés de territorio indio. Ixe yaqui se clama Tigre y ye lo fillo d'Aguila, lo chefe d'a tribu. Cuan plega enta la caravana y prencipian o camín, son atacaus por os yaquis, y Harvey veye que la sola posibilidat de salvar a la caravana ye de charrar con Aguila y fer-li veyer que son amigos d'o suyo pueblo y que ha salvau a su fillo. Marcha en busca d'Aguila, pero iste no el creye y ataca la caravana, no salvando-se so que dos mullers a qui Harvey heba amagau antes de l'ataque. D'atra man, Harvey queda presonero y advertiu de que el matarán a lo día siguient, pero la mai de Tigre l'interroga y en veyer que ye verdat que ha salvau a su fillo, el libera. Malas que plega enta lo lugar de destín d'a caravana, se veye atacau por os suyos habitants, que creyen que ha fuyiu deixando albandonada a la caravana ta que los indios els matasen. Ta salvar a suya vida, lo "sheriff" lo zarra en a garchola. Bien luego apareixe Tigre ta liberar-lo, pero iste muere en o proceso y Harvey se veye perseguiu por os habitants d'o lugar. Cuan plega enta lo rancho de Nick Buckley, iste creye que puet estar inocent y li da un caballo ta que pueda fuyir, tratando-se d'un caballo bien especial. Bien luego descubre que lo motivo de l'ataque a la caravana ye que en ixas tierras indias bi ha archent y un hombre blanco ha dau informacions a Aguila ta que atacase la caravana y asinas provocar una guerra ta fer fuera a los indios y apoderar-se d'ixas menas d'archent. Pero encara li cal contrimostrar a suya inocencia, estando amás perseguiu mesmo por blancos que por indios.

A cinta s'ambienta en bel momento indeterminau d'o sieglo XIX en Arizona y las suyas escenas se filmoron en escenarios de California, incluyindo-ie Agua Dulce y Cantil, amás d'en os Universal Studios en Universal City, tamién en California. Localizacions de Tumbleweed en Internet Movie Database.

Elenco Tumbleweed en Internet Movie Database. {|class="wikitable sortable" style="font-size: 90%;"

! style="background:#ABD2D0;" | Actor ! style="background:#ABD2D0;" | Papel ! style="background:#ABD2D0;" | Notas

| ''

Se veiga tamién Cine en 1953. Cintas de 1953.

Referencias

Vinclos externos Tumbleweed en Internet Movie Database. Tumbleweed en l'American Film Institute Catalog de l'American Film Institute''. Tumbleweed en TCM Movie Database.

Categoría:Cintas ambientadas en Arizona Categoría:Cintas ambientadas en o sieglo XIX Categoría:Cintas con banda sonora orichinal de Herman Stein Categoría:Cintas con banda sonora orichinal de Henry Mancini Categoría:Cintas con banda sonora orichinal de Milton Rosen Categoría:Cintas con dirección de fotografía de Russell Metty Categoría:Cintas con guión de John Meredyth Lucas Categoría:Cintas con montache de Virgil W. Vogel Categoría:Cintas de western Categoría:Cintas d'Estaus Unius Categoría:Cintas dirichidas por Nathan Juran Categoría:Cintas en anglés Categoría:Cintas en Technicolor Categoría:Cintas interpretadas por Audie Murphy Categoría:Cintas interpretadas por Chill Wills Categoría:Cintas interpretadas por Eugene Iglesias Categoría:Cintas interpretadas por Harry Harvey Categoría:Cintas interpretadas por I. Stanford Jolley Categoría:Cintas interpretadas por K. T. Stevens Categoría:Cintas interpretadas por King Donovan Categoría:Cintas interpretadas por Lee Van Cleef Categoría:Cintas interpretadas por Lori Nelson Categoría:Cintas interpretadas por Lyle Talbot Categoría:Cintas interpretadas por Madge Meredith Categoría:Cintas interpretadas por Phil Chambers Categoría:Cintas interpretadas por Ralph Moody Categoría:Cintas interpretadas por Ross Elliott Categoría:Cintas interpretadas por Roy Roberts Categoría:Cintas interpretadas por Russell Johnson Categoría:Cintas producidas por Ross Hunter Categoría:Cintas rodadas en Agua Dulce (California) Categoría:Cintas rodadas en California Categoría:Cintas rodadas en Cantil Categoría:Cintas rodadas en Universal City