O monesterio de Nuestra Sinyora de Cogullada ye un monesterio que se troba en o barrio rural de Cogullada, en Zaragoza (Comarca Central, Aragón). Perteneixe a l'arcipestrau d'o Rabal.
Historia En os tiempos en que gubernaba a iglesia caesaraugustana o bispe Sant Braulio, se suposa l'aparición d'a imachen d'a Virgen de Cogullada, estando o suyo descubrimiento debiu a una cogullada, d'astí o nombre. En ixe puesto sagrau punto, s'edificó una basilica, a on s'exposó a imachen a la veneración publica en l'anyo 637 y en o mesmo puesto establioron os capuchins o suyo convento en 1657. Situau a meya leugua d'a ciudad, a la ezquierda d'a carretera de Barcelona y marguin dreita d'o río Galligo en un terreno prou selvenco, rodiado de vegas bien cautivadas y d'arboleras ubagas y frescas.
Dimpués d'a desamortización de 1835 y marcha d'os flaires, a ilesia d'o monesterio, construyida por a cofradía d'a debantdita virchen, quedó baixo o suyo cudiau y dirección, celebrando-se toz os anyos a suya festividat o día segundo de Pascua granada, puyando a concurrencia con tal motivo y estando as suyas frondosas arboleras, banyadas por o Galligo, puesto de solitarias gambadas y barucosas romerías. A mayor parti d'as familias de Zaragoza pasaban en iste puesto días de campo. En a cocina d'o convento se feban unas tortiellas prou especials con variedat de hierbas. Teneba tanta reputación ista birolla y como se feba que se deciba a minchar una tortiella ta Cogullada.
En 1896 se facioron cargo de l'edificio os monches de l'abadía benedictina francesa de Solesmes. En primerías d'o sieglo XX o monesterio fue esviellau con un fuerte caracter neomudechar. Hue lo día l'edificio perteneixe a Ibercaja, estando curioso o dato de que ha estau residencia d'os reis d'Espanya en as suyas estachas en Zaragoza.
Vinclos externos Ficha en www.gcatholic.org
Cogullada Cogullada de Zaragoza Cogullada de Zaragoza Cogullada de Zaragoza Categoría:Conventos capuchins