Siege at Red River (títol orichinal en anglés, en aragonés Seche en Red River, estrenada en Aragón con o suyo títol traduciu enta lo castellano como Asedio en Río Rojo) ye una cinta de cine de western de cine estausunidense estrenada l'anyo 1954, dirichida por Rudolph Maté seguntes un guión adaptau por Sydney Boehm (basau en una historia de J. Robert Bren y Gladys Atwater(, con una banda sonora orichinal de Lionel Newman, una dirección de fotografía d'Edward Cronjager, una producción cinematografica de Leonard Goldstein ta la productora cinematografica Panoramic Productions y un elenco d'o cual en fan parte Van Johnson, Joanne Dru, Richard Boone, Craig Hill, Milburn Stone, John Cliff, Jeff Morrow, Rico Alaniz, Robert Burton, Pilar Del Rey y Ferris Taylor, entre d'atros.
En 1865, casi a la fin d'a Guerra Civil d'os Estaus Unius, un oficial de l'exercito d'os Estaus Confederaus d'America, que se fa decir Jim Farraday, y un sarchento que se fa decir Benji, vestius de civil, transportan en Ohio una ametralladora Gatling robada enta las linias confederadas. Troban a una mesacha, Nora Curtis, con o carro bozau, y l'aduyan a desenlorar-lo. A mesacha se clama Nora Curtis, ye enfermera y odia a los rebels. Cuan plegan en o lugar amanau con Nora, dispertan as sospeitas de Frank Kelso, un detective de l'achencia Pinkerton que busca l'ametralladora robada y se troban sin posibilidat de continar camín con ella, dica que finalment la sacan d'o lugar amagada en o carro de Nora. En o tiempo que han estau en o lugar, Jim y Nora s'han enamorau, pero ixo cambia cuan Nora decubre que l'han emplegau ta sacar l'ametralladora. Pero a qui heban contractau pagando-le como guía los enganya, lis roba l'ametralladora y la vende a los indios, que atacan o fuerte. Jim y Kelso se veyen obligaus a cooperar si no quieren que se faga una mortalera.
A cinta s'ambienta en 1865 en Ohio y las suyas escenas se filmoron en Moab (Utah) y en Durango (Colorado), amás d'en os RKO-Pathé Studios en Culver City (California). Estreno de Siege at Red River en Internet Movie Database.
Elenco Siege at Red River en Internet Movie Database. Actor Papel Notas ''''
Se veiga tamién Cine en 1954. Cintas de 1954.
Referencias
Vinclos externos Siege at Red River en Internet Movie Database.
Categoría:Cintas ambientadas en Ohio Categoría:Cintas ambientadas en 1865 Categoría:Cintas con banda sonora orichinal de Lionel Newman Categoría:Cintas con dirección de fotografía d'Edward Cronjager Categoría:Cintas con guión de Sydney Boehm Categoría:Cintas con montache de Betty Steinberg Categoría:Cintas de western Categoría:Cintas d'Estaus Unius Categoría:Cintas dirichidas por Rudolph Maté Categoría:Cintas en anglés Categoría:Cintas en Technicolor Categoría:Cintas interpretadas por Craig Hill Categoría:Cintas interpretadas por Ferris Taylor Categoría:Cintas interpretadas por Jeff Morrow Categoría:Cintas interpretadas por Joanne Dru Categoría:Cintas interpretadas por John Cliff Categoría:Cintas interpretadas por Milburn Stone Categoría:Cintas interpretadas por Pilar Del Rey Categoría:Cintas interpretadas por Richard Boone Categoría:Cintas interpretadas por Rico Alaniz Categoría:Cintas interpretadas por Robert Burton Categoría:Cintas interpretadas por Van Johnson Categoría:Cintas producidas por Leonard Goldstein Categoría:Cintas rodadas en Culver City Categoría:Cintas rodadas en Durango (Colorado) Categoría:Cintas rodadas en Moab (Utah)