Iste articlo ye sobre una cinta austriaca de cine biografico historico romantico de 1956; ta atros usos, se veiga Sissi, die junge Kaiserin.
Sissi, die junge Kaiserin (títol orichinal en alemán, en aragonés Sissi, a choven emperadriz, estrenada en Aragón con o títol en castellano de Sissi emperatriz, en aragonés Sissi emperadriz) ye una cinta de cine austriaco de cine biografico historico romantico estrenada l'anyo 1956, dirichida por Ernst Marischka seguntes un guión orichibal d'él mesmo, con una banda sonora orichinal d'Anton Profes, una dirección de fotografía de Bruno Mondi y una producción cinematografica d'Ernst Marischka y Karl Ehrlich ta la productora cinematografica Erma-Film. Conta con un elenco d'o cual en fan parte, entre d'atros actors, Romy Schneider, Karlheinz Böhm, Vilma Degischer, Erich Nikowitz, Magda Schneider, Gustav Knuth, Josef Meinrad, Richard Eybner, Walter Reyer, Senta Wengraf y Helene Lauterböck.
Sissi, die junge Kaiserin ye la segunda cinta d'a trilochía adedicada a la vida d'Isabel de Bavera, emperadriz d'Austria dita familiarment "Sissi", dimpués de Sissi (1955, Ernst Marischka) y antes de Sissi – Schicksalsjahre einer Kaiserin (1958, Ernst Marischka), y se centra en o periodo posterior a la suya voda con Francisco Chusé, escaicida lo 24 d'abril de 1854 en a Ilesia de Sant Agostín de Viena, que la convertió en emperadriz consort d'Austria. En a cinta se conta cómo Sissi s'adapta poquet a poquet a las convencions richidas d'a cort austriaca, encara que con una convivencia difícil con su suegra Sofía qui, encara que tía d'ella, quiere un respecto maximo por as richidas normas protocolarias d'a cort y interfiere de contino mesmo en o gubierno de su fillo l'emperador que en a vida privada d'a parella. En naixer o primer fillo de Sissi y Francisco Chusé, Sofía decide estar ella mesma qui sía a lo cudiau d'a suya educación, en considerar que Sissi ye masiau choven y inexperta, amás de pensar que Sofía ha d'estar con su mariu en os suyos constants viaches por o territorio de l'Imperio Austriaco y no pas zarrada en palacio a lo cudiau d'os fillos. Mortificada por a situación, finalment Sissi creya un chicot estrapalucio en marchar enta casa de sus pais, evidenciando asinas publicament as suyas discrepancias con su suegra. En plegar en o castiello de Possenhofen en Bavera, Sissi amaga los feitos a su mai Ludovica pero los li explica a su pai Maximilano Chusé, muito mas comprensivo con ella. Cuan Francisco Chusé marcha tamién enta Possenhofen, convence a Sissi de tornar enta Viena, y ixo consolida la influyencia d'a mesacha sobre su mariu, influyencia decisiva en o tractamiento d'a situación en Hongría, cuan convenció a Francisco Chusé d'amnistiar a lo conte Gyula Andrássy, qui heba estau dirichent d'a rebelión hongara y que heba estau condenau a muerte por ixe motivo. Como consecuencia d'ixo, s'alcordó lo compromiso austrohongaro de 1867 que establiba una monarquía dual compartida entre l'Imperio Austriaco y lo Reino d'Hongría, establindose asinas l'Imperio Austrohongaro, y Sissi establió una funda relación con os territorios hongaros, estando coronada chunto con su mariu como reis d'Hongría, momento en que remata la cinta.
A cinta s'ambienta en Viena y lo Tirol en Austria, en Pöcking (Bavera) en Alemanya y en Budapest y atros puestos d'Hongría, en os anyos 1850 y 1860, y las suyas escenas se filmoron en a ilesia de Sant Miguel y lo palacio de Schönbrunn en Viena y en o castiello de Fuschl en Fuschl am See (Salzburgo), amás d'en l'Atelier Rosenhügel, tamién en Viena. Localizacions de Sissi, die junge Kaiserin en Internet Movie Database.
Ye una cinta que ha recibiu bellas nominacions a bels premios cinematograficos, encara que no pas a garra premio d'os mas conoixius u destacaus.
Elenco Sissi, die junge Kaiserin en Internet Movie Database. Actor Papel Notas ''''
Se veiga tamién Cine en 1956. Cintas de 1956.
Referencias
Vinclos externos Sissi, die junge Kaiserin en Internet Movie Database.
Categoría:Cintas ambientadas en Budapest Categoría:Cintas ambientadas en Hongría Categoría:Cintas ambientadas en Pöcking Categoría:Cintas ambientadas en o estau d'o Tirol Categoría:Cintas ambientadas en Viena Categoría:Cintas ambientadas en os anyos 1850 Categoría:Cintas ambientadas en os anyos 1860 Categoría:Cintas con banda sonora orichinal d'Anton Profes Categoría:Cintas con dirección de fotografía de Bruno Mondi Categoría:Cintas con guión d'Ernst Marischka Categoría:Cintas con montache d'Alfred Srp Categoría:Cintas de cine biografico Categoría:Cintas de cine historico Categoría:Cintas de cine de romance Categoría:Cintas d'Austria Categoría:Cintas dirichidas por Ernst Marischka Categoría:Cintas en alemán Categoría:Cintas en hongaro Categoría:Cintas interpretadas por Erich Nikowitz Categoría:Cintas interpretadas por Gustav Knuth Categoría:Cintas interpretadas por Helene Lauterböck Categoría:Cintas interpretadas por Josef Meinrad Categoría:Cintas interpretadas por Karlheinz Böhm Categoría:Cintas interpretadas por Magda Schneider Categoría:Cintas interpretadas por Richard Eybner Categoría:Cintas interpretadas por Romy Schneider Categoría:Cintas interpretadas por Senta Wengraf Categoría:Cintas interpretadas por Vilma Degischer Categoría:Cintas interpretadas por Walter Reyer Categoría:Cintas producidas por Ernst Marischka Categoría:Cintas producidas por Karl Ehrlich Categoría:Cintas rodadas en Fuschl am See Categoría:Cintas rodadas en Viena