L'Estadio de Wembley ye un estadio de futbol ubicau en a ciudat de Londres, Anglaterra. Ye emplazau en o puesto an s'erichiba l'antigo estadio con o mesmo nombre construyiu en 1923. Dimpués d'a demolición en 2002 d'o viello Wembley, se prochecta un nuevo estadio moderno con mas capacidat y mas polivalent. Se tría un disenyo de l'arquitecto Norman Foster que consistiba en un superestadio con una capacidat de 90 000 espectadors, que remató de construyir-se en l'anyo 2007. Lo coste d'o proyecto estió d'arredol de 757 millons de libras esterlinas (1.097 millons d'euros). La construcción d'o nuevo Wembley estió parte d'o prochecto de millora y contrucción d'instalacions esportivas pa los Chuegos Olimpicos de Londres 2012. Lo estadio ye connectau con as estacions de metro de Wembley Park y Wembley Centralvía.
Lo estadio ye propiedat d'a Football Association (FA), a traviés d'o suyo filial Wembley National Stadium Ltd (WNSL) y an tiene la siede la FA ye lo propio estadio. Con a suya capacidat actual ye lo mayor estadio de futbol d'Inglaterra, lo mas gran d'o Reino Uniu y lo segundo mas gran d'Europa. Los 10 estadios más grandes de Europa.
Eventos En o nuevo Wembley chuga como local la selección de futbol d'Anglaterra; ye anyalment siede d'as finals d'a FA Cup, la Copa d'a Liga d'Inglaterra y la Community Shield, amás de cuantas finals d'a Liga de Campeones d'a UEFA. Estió una d'as siedes d'a competición fútbolística d'os Chuegos Olimpicos de Londres 2012, demás d'an se chugó la final Olimpica.
Lo estadio no nomás ye utilizau pa competicions esportivas, tamién s'utiliza pa organizar eventos que conllevan una gran concentración de personas, como conciertos y celebracions variadas.
Referencias
Vinclos externos
Sitio web oficial.
Anglaterra Categoría:Londres Categoría:Instalacions esportivas d'os Chuegos Olimpicos de Londres 2012