Juan Francisco Pérez Llorca (mas conoixiu como Juanfran Pérez Llorca), naixiu de Finestrat (Marina Baixa, País Valenciano) en l'anyo 1976, ye un empresario y politico valenciano militant d'o Partido Popular de la Comunidad Valenciana, partiu con o cual ha estau succesivament concellero d'o Concello de Finestrat (dende 2003 dica 2025), alcalde de Finestrat (dende 2015 dica 2025), deputau en a Deputación Provincial d'Alicant dende 2015 dica 2023, deputau d'a XI Lechislatura d'as Corz Valencianas por a provincia d'Alicant (dende 2023), secretario cheneral d'o partiu (dende 2023), portavoz d'o Grupo Parlamentario Popular en as Corz Valencianas (dende 2024) y president d'a Gubierno d'a Cheneralidat Valenciana, presidindo lo Gubierno Pérez Llorca, dende lo 2 d'aviento de 2025. Juanfran Pérez Llorca pren possessió com a president de la Generalitat amb la jura del càrrec, en A Punt, 2 d'aviento de 2025.
Pimers anyos Juanfran Pérez Llorca vivió en a suya localidat natal de contino. estudió en o Colechio Ricardo Mayor de Finestrat, ta continat posteriorment como interno los suyos estudios en o Colechio La Concepción, situau en Ontenyent. Patricia Núñez: Así es Juanfran Pérez Llorca: divorciado y con dos hijas, un polémico patrimonio y su sueldo como presidente valenciano, en Vozpópuli, 27 de noviembre de 2025. Posteriorment dentró a treballar en os negocios familiars, sin continar con estudios universitarios.
Carrera politica Politica municipal Prencipió la suya militancia en o Partido Popular de la Comunidad Valenciana en l'anyo 2003, cuan partecipó en as listas d'o partiu ta o Concello de Finestrat, o suyo lugar natal, en as eleccions d'ixe anyo, estando esleyiu rechidor, con o suyo partiu en a oposición. En as municipals de 2007 o Partido Popular ganó l'alcaldía, y Juanfran Pérez Llorca fue nombrau responsable d'Urbanismo, repetindo-se exactament a mesma situación en as eleccions municipals de 2011.
En as municipals de 2015 ye lo candidato d'o suyo partiu a l'alcaldía de Finestrat, en substitución de l'anterior alcalde, Honorato Algado Martínez, estando esleyiu alcalde, situación que tornó a producir-se en as municipals de 2019.
Politica provincial Simultaniament, en as eleccions de 2015 fue esleyiu deputau provincial en a Deputación Provincial d'Alicant por o partiu chudicial de Benidorm, d'o cual fa parte Finestrat, tornando a estar-ne esleyiu en as municipals de 2019, por o mesmo partiu chudicial.
Simultaniament, estió coordinador provincial d'o suyo partiu en a provincia d'Alicant como estreito colaborador de l'alabez politico provincial Carlos Mazón Guixot, qui yera lo dirichent provincial d'o partiu.
Politica autonomica Cuan en chulio de 2021 Carlos Mazón fue nombrau president d'o Partido Popular de la Comunidad Valenciana, Pérez Llorca dentró tamién en a executiva autonomica d'o Partido Popular como vicesecretario d'Organización d'o partiu. Pérez Llorca sustituye a Catalá en la secretaría general de PPCV, en a web d'Europa Press, 3 d'agosto de 2023.
En as eleccions a Corz Valencianas de 2023 fue esleyiu deputau pr a circumscripción electoral d'Alicant en a lista electoral encabezada por Carlos Mazón, y fue nombrau tamién secretario cheneral d'o partiu, amás d'estar nombrau portavoz parlamentario adchunto d'o Partido Popular en as Corz Valencianas.
Cuan en chulio de 2024 Vox trencó lo suyo pacto de gubierno con o Partido Popular, fue nombrau portavoz parlamentario d'o Grupo Parlamentario Popular en as Corz Valencianas substituyindo a Miguel Barrachina Ros, qui pasó a estar consellero d'Agricultura, Ganadería y Pesca en o Gubierno Mazón. Rosana Crespo: Juanfran Pérez Llorca, nuevo portavoz del PP en Les Corts en sustitución de Miguel Barrachina, en Valencia Plaza, 12 de chulio de 2024.
En chulio de 2025, coincidindo con os problemas politicos de Mazón derivaus d'a suya actuación en a depresión aislada en livels altos que s'escaició en a Comunidat Valenciana lo 29 d'octubre de 2024, fue nombau miembro d'o Comité Executvo d'o Partido Popular por o suyo president, Alberto Núñez Feijóo. Así queda el Comité Ejecutivo del PP: Feijóo incorpora a Pérez Llorca y repiten Catalá, Fabra y Barcala en Valencia Plaza, 5 de chulio de 2025.
Cuan finalment o 3 de noviembre de 2025 Mazón presentó la suya dimisión como president d'a Cheneralidat, Pérez Llorca fue esleyiu por o president d'o Partido Popular, Núñez Feijóo, como candidato a la presidencia d'a Cheneralidat Valenciana, Jornada política del 11 de noviembre de 2025 | Mazón tilda a Pérez Llorca de “extraordinario candidato” para presidir la Generalitat Valenciana, en El País, 12 de noviembre de 2025. y lo 19 de noviembre presentó formalment a suya candidatura a la presidencia d'a Cheneralidat. Ferran Bono: Pérez Llorca presenta su candidatura para relevar a Mazón al ver muy cercano el acuerdo con Vox: “Si no, no lo haría”, en El País, 19 de noviembre de 2025. O 27 de noviembre s'escaició lo debat d'investidura, estando esleyiu por mayoría absoluta como nuevo president d'a Cheeralidat Valenciana con 53 votos a favor (Vox y Partido Popular de la Comunidad Valenciana) y 46 en contra (Partit Socialista del País Valencià-PSOE y Compromís). Juanfran Pérez Llorca, investido presidente de la Generalitat Valenciana con los 40 votos del PP y los 13 de Vox, en Europa Press, 27 de noviembre de 2025.
O 28 de noviembre, Pérez Llorca presentó la suya dimisión como concellero y alcalde de Finestrat, Juanfran Pérez Llorca presenta su renuncia como alcalde con tristeza pero contento tras 21 años, en Valencia Plaza, 28 de noviembre de 2025. y lo 29 de noviembre se publicó en o Boletín Oficial del Estado lo suyo nombramiento como president d'a Cheneralidat Valenciana, Real Decreto 1080/2025, de 28 de noviembre, por el que se nombra President de la Generalitat Valenciana a don Juan Francisco Pérez Llorca, en o Boletín Oficial del Estado d'o 29 de noviembre de 2025. prencipiando lo suyo mandato presidencial en churar o cargo lo 2 d'aviento de 2025. Directo: Pérez Llorca toma posesión como 'president' de la Generalitat Valenciana, en Valencia Plaza, 2 d'aviento de 2025.
Referencias
Categoría:Alcaldes de Finestrat Categoría:Concellers d'o Concello de Finestrat Categoría:Conservadors d'o País Valenciano Categoría:Deputaus d'a Deputación Provincial d'Alicant Categoría:Deputaus d'a XI Lechislatura d'as Corz Valencianas Categoría:Empresarios d'o País Valenciano Categoría:Gubierno Pérez Llorca Categoría:Naixius de Finestrat Categoría:Politicos d'o País Valenciano Categoría:Politicos d'o Partido Popular de la Comunidad Valenciana Categoría:Presidents d'a Cheneralidat Valenciana Categoría:Secretarios chenerals d'o Partido Popular de la Comunidad Valenciana Categoría:1976 (naixencias)