Elephant Walk (títol orichinal en anglés, en aragonés O paseyo de l'elefant, estrenada en Aragón con o títol en castellano de La senda de los elefantes, en aragonés A talladera d'os elefants) ye una cinta de cine estausunidense de cine de drama d'aventuras estrenada l'anyo 1954, dirichida por William Dieterle seguntes un guión adaptau por John Lee Mahin (basau en a novela Elephant Walk, que heba publicau Robert Standish l'anyo 1948), con una banda sonora orichinal de Franz Waxman, una dirección de fotografía de Loyal Griggs, una producción cinematografica d'Irving Asher ta la productora cinematografica Paramount Pictures y un elenco d'o cual en fan parte Elizabeth Taylor, Dana Andrews, Peter Finch, Abraham Sofaer, Abner Biberman, Noel Drayton, Rosalind Ivan, Barry Bernard, Philip Tonge, Edward Ashley-Cooper, Leo Britt y Mylee Haulani, entre d'atros actors.

Poco dimpués de rematar a Segunda Guerra Mundial, John Wiley plega enta lo Reino Uniu ta buscar-ie una esposa. Ye un cabalero propietario d'una gran plantación de te en Ceilán, y conoix a Ruth, una choven que treballa en una librería y s'enamora d'él. Como pan d'a voda visitan bels lugars y países se camín enta Ceilán, a on Ruth veye que su mariu poseye una gran fortuna, cosa que no conoixeba dica qué livel. Cuan son de camín por a chungla con l'auto, troban a un elefant masclo que lis impide lo paso, y John dispara ta ixafurnar-lo. Bien luego Ruth comprén que John ye dominau por a figura de su difunto pai, qui construyó la gran mansión familiar en bel mayo d'a talladera que emplegaban os elafants ta plegar enta lo río. Tamién descubre que a mai de John fuyó de Ceilán ta tornar enta Anglaterra pero que si mariu la obligó a tornar ta que lo suyo fillo naixese en a plantación, y la muller morió bien luego. Amás, Appuhamy, lo chefe d'os criaus d'a casa, reverencia a lo "Gubernador", como claman a lo pai de John, y gosa ir enta la suya tomba (que se troba en o centro d'o gran chardín d'a casa) ta explicar-li a lo difunto cosas negativas de Ruth. Fialment Ruth tamién conoix que lo "Gubernador" heba construyiu conscientment a casa en a talladera d'os elefants, y que lo masclo contra lo que John heba disparau proba terne que terne de dentrar en a propiedat ta recuperar o camín ancestral d'elefants. A la vegada, descubre que ye la sola muller europea de tot o districto, y que atros propietarios de plantacions gosan visitar a John y celebrar-ie faricandolas con abundant consumo de bebodas alcolicas y que ixo fa que John tienga con ella comportamientos casi que violentos. Prencipia a refuchiar-se en l'administrador de John, Dick Carver, y prencipian a enamorar-se, encara que Ruth contina sin crebar o vinclo con o suyo esposo, dica que finalment con una zaguera agresión oprta por marchar. Tanimientres, troban o camín zarrau en haber esclatau una epidemia de colera, y Ruth ye qui organiza lo treballo d'as enfermeras ta rendrezar a situación. Ixo fa que Appuhamy li diga a lo Gubernador que yera equivocau y que aspera que Ruth remanie en a casa. Tanimientres, ye lo momento en que l'elefant masclo conduz a lo suyo rabanyo enta lo muro d'a finca y consiguen dentrar-ie, matando a Appuhamy y esvoldregando la gran mansión.

A cinta s'ambienta a finals d'os anyos 1940 en Sri Lanka y Anglaterra. y las suyas escenas se filmoron en Colombo (Provincia de l'Ueste) y Kandy, Matale y Polonnaruwa (Provincia Central) en Sri Lanka, amás d'o rancho Iverson en Los Angeles (California) en os Estaus Unius. Lovalizacions d'Elephant Walk en Internet Movie Database.

Elenco Elephant Walk en Internet Movie Database. {|class="wikitable sortable" style="font-size: 90%;"

! style="background:#ABD2D0;" | Actor ! style="background:#ABD2D0;" | Papel ! style="background:#ABD2D0;" | Notas

| ''

Se veiga tamién Cine en 1954. Cintas de 1954.

Referencias

Vinclos externos

Elephant Walk en Internet Movie Database. Elephant Walk en TCM Movie Database. Elephant Walk en l'American Film Institute Catalog de l'American Film Institute''.

Categoría:Cintas ambientadas en Anglaterra Categoría:Cintas ambientadas en Sri Lanka Categoría:Cintas ambientadas en os anyos 1940 Categoría:Cintas con banda sonora orichinal de Franz Waxman Categoría:Cintas con dirección de fotografía de Loyal Griggs Categoría:Cintas con guión de John Lee Mahin Categoría:Cintas con montache de George Tomasini Categoría:Cintas de cine d'aventuras Categoría:Cintas de cine de drama Categoría:Cintas d'Estaus Unius Categoría:Cintas dirichidas por William Dieterle Categoría:Cintas en anglés Categoría:Cintas en Technicolor Categoría:Cintas interpretadas por Abner Biberman Categoría:Cintas interpretadas por Abraham Sofaer Categoría:Cintas interpretadas por Barry Bernard Categoría:Cintas interpretadas por Dana Andrews Categoría:Cintas interpretadas por Edward Ashley-Cooper Categoría:Cintas interpretadas por Elizabeth Taylor Categoría:Cintas interpretadas por Leo Britt Categoría:Cintas interpretadas por Mylee Haulani Categoría:Cintas interpretadas por Noel Drayton Categoría:Cintas interpretadas por Peter Finch Categoría:Cintas interpretadas por Philip Tonge Categoría:Cintas interpretadas por Rosalind Ivan Categoría:Cintas producidas por Irving Asher Categoría:Cintas rodadas en Colombo Categoría:Cintas rodadas en Kandy Categoría:Cintas rodadas en Los Angeles Categoría:Cintas rodadas en Matale Categoría:Cintas rodadas en Polonnaruwa