Iste articlo ye sobre una cinta australiana de cine de terror; ta atros usos, se veiga Rogue.
Rogue (títol orichinal en anglés, en aragonés Canalla, estrenada en Aragón con o títol en castellano d'El territorio de la bestia, en aragonés O territorio d'a bestia) ye una cinta de cine de terror coproducida por o cine australiano y lo cine estausunidense estrenada l'anyo 2007, dirichida por Greg McLean seguntes un guión orichinal d´él mesmo, con una banda sonora orichinal de Frank Tetaz, una dirección de fotografía de Will Gibson, una producción cinematografica de Matt Hearn, David Lightfoot y Greg McLean ta las productoras Dimension Films, Village Roadshow Pictures y Emu Creek Productions y un elenco d'actors formau por Michael Vartan, Radha Mitchell, Sam Worthington, Stephen Curry, Celia Ireland, John Jarratt, Damien Richardson, Robert Taylor, Caroline Brazier, Heather Mitchell, Geoff Morrell, Mia Wasikowska y Barry Otto, entre d'atros.
Pete McKell ye un periodista estausunidense especializau en articlos sobre viaches y turismo que partecipa en un crucero fluvial ta fotografiar crocodilos en o Parque Nacional Kakadu en o Territorio d'o Norte en Australia. Kate Ryan, una naturalista, conduz o barco y lo crucero. Cuan fa bels días que viachan, Everett, un d'os pasacheros, veye de luent una flamada y Kate decide amanar-se-ie ta investigar. Cuan plegan enta lo lugar d'orichen d'a flamada, no i veyen cosa, pero constatan un silencio absoluto en o lugar, sin os rudios que a ormino s'escuitan en a naturaleza. Bien luego troban un naufrachio y bel animal desconoixiu apareixe en l'augua y golpia la barca, inutilizando-la. Kate consigue dirichir la barca enta una isla en bel meyo d'o río y encallar-la. Deduz que se troban en o territorio de bel crocodilo de gran tamanyo, que los ye observando y que los considera una presa. Neil Kelly y Collin plegan en una chicota barca y los ataca lo crocodrilo, que mata a Collin. De rapiconte, apareixe de l'augua lo gran crocodilo y s'apodera d'Everett, fundiendo-lo en l'augua. O problema ye que han de marchar d'a isla antis d'a nueit, porque la puyada d'a marea submerchirá la isla. Prencipia una luita entre la intelichencia de l'animal y la d'os humans, en a cual van morindo poquet a poquet dos viacheros, dica que en a fuga defiitiva d'a isla lo crocodilo captura a Kate. Tanimientres, cuan son a salvo, lo can de Kate prencipia a ladrar y despareixe. Pete lo persigue y caye en una espluga que resulta estar o cado d'a bestia, a on i son parcialment devoradas as suyas victimas, encara que una d'ellas, Kate, encara ye viva pero sin sentiu. Pete ha de luitar contra lo crocodilo chigant ta salvar a suya vida y la de Kate.
A cinta s'ambienta en 2007 en o Territorio d'o Norte en Australia, y las suyas escenas se filmoron en o Parque Nacional Kakadu y lo Parque Nacional Nitmiluk en o Territorio d'o Norte, y en Melbourne y atros puestos de Victoria. Localizacions de Rogue en Internet Movie Database.
Se tracta d'una cinta que ha recibiu bels premios y nominacions, encara que garra d'éls no fa parte d'os premios cinematograficos mas conoixius u destacaus d'o panorama cinematografico internacional.
Elenco Rogue en Internet Movie Database. Actor Papel Notas ''''
Se veiga tamién Cine en 2007. Cintas de 2007.
Referencias
Vinclos externos
Rogue en Internet Movie Database.
Categoría:Cintas ambientadas en o Territorio d'o Norte Categoría:Cintas ambientadas en 2007 Categoría:Cintas con banda sonora orichinal de Frank Tetaz Categoría:Cintas con dirección de fotografía de Will Gibson Categoría:Cintas con guión de Greg McLean Categoría:Cintas con montache de Jason Ballantine Categoría:Cintas de cine de terror Categoría:Cintas d'Australia Categoría:Cintas d'Estaus Unius Categoría:Cintas dirichidas por Greg McLean Categoría:Cintas en anglés Categoría:Cintas interpretadas por Barry Otto Categoría:Cintas interpretadas por Caroline Brazier Categoría:Cintas interpretadas por Celia Ireland Categoría:Cintas interpretadas por Damien Richardson Categoría:Cintas interpretadas por Geoff Morrell Categoría:Cintas interpretadas por Heather Mitchell Categoría:Cintas interpretadas por John Jarratt Categoría:Cintas interpretadas por Mia Wasikowska Categoría:Cintas interpretadas por Michael Vartan Categoría:Cintas interpretadas por Radha Mitchell Categoría:Cintas interpretadas por Robert Taylor (actor australiano) Categoría:Cintas interpretadas por Sam Worthington Categoría:Cintas interpretadas por Stephen Curry Categoría:Cintas producidas por David Lightfoot Categoría:Cintas producidas por Greg McLean Categoría:Cintas producidas por Matt Hearn Categoría:Cintas rodadas en Melbourne Categoría:Cintas rodadas en o Territorio d'o Norte Categoría:Cintas rodadas en o estau de Victoria