Last Train from Gun Hill (títol orichinal en anglés, en aragonés Zaguer tren dende Gun Hill, estrenada en Aragón con o títol en castellano d'El último tren de Gun Hill, en aragonés O zaguer tren de Gun Hill) ye una cinta de cine estausunidense de cine de western dramatico estrenada l'anyo 1959, dirichida por John Sturges seguntes un guión adaptau por James Poe (basau en una historia de Les Crutchfield), con una banda sonora orichinal de Dimitri Tiomkin, una dirección de fotografía de Charles B. Lang Jr., una producción cinematografica de Hal B. Wallis ta las productoras Hal Wallis Productions y Bryna Productions y un elenco d'o cual en fan parte, entre d'atros, os actors Kirk Douglas, Anthony Quinn, Carolyn Jones, Earl Holliman, Brad Dexter, Brian G. Hutton, Ziva Rodann, Bing Russell, Val Avery y Walter Sande.
Una muller india cherokee torna con su fillo de visitar a su pai. Ye la muller de Matt Morgan, o "sheriff" d'o lugar. Dos vaqueros empelucaus l'asaltan, la violan y l'asasinan. O fillo, antis de marchar en busca d'aduya, ha alunyau os caballos d'os asatants, y malas que i plega Morgan reconoix a siella de montar, por as dos letras que i figuran, C.B., as inicials de Craig Belden, qui ye un antigo amigo suyo que mesmo li salvó la vida de choven. Morgan, con a siella, marcha enta lo lugar a on i vive su amigo, ta arrestar a los culpables de l'asasinato y violación de su muller. O nino li ha dito que su mai, con un corbalán, heba marcau a cara d'un d'os asaltants, asinas que sabe a qui habrá de buscar. Cuan plega enta Gun Hill, a on i vive Craig, marcha enta lo suyo rancho. D'atra man, iste acabe de recibir a su fillo y a un d'os suyos emplegaus, que tornan d'un viache, y li explican que lis han robau os caballos y la siella de montar, y que la cicatriza que amuestra Rick Belden, o fillo de Craig, li ha feito una muller que se li ha resistiu, cosa que Craig celebra. Pero cuan plega Morgan con a siella iste constata las inconsistencias en a versión d'os feitos que li fan y como amás li vedan de veyer a Rick, sospeita fundadament que él ye l'hombre con una cicatriza en a cara. Dende alavez, Morgan tien como obchectivo arrestar a los culpables, a la vegada que Craig ha de fer tot o posible ta evitar que arreste a su fillo. Como amás iste ye bien imprudent, Morgan lo captura, pero encara faltan bellas horas ta que i plegue lo siguient y zaguer tren que marchará de Gun Hill.
A cinta s'ambienta en bel momento indeterminau de finals d'o sieglo XIX en bel puesto igualment indeterminau de l'ueste d'Estaus Unius. As suyas escenas se filmoron en Elgin, Fairbank, Patagonia, Sonoita, St. David, Tucson y atros puestos d'Arizona y Newhall (California), amás d'en os Paramount Studios en Los Angeles (California). Localizacions de Last Train from Gun Hill en Internet Movie Database.
Ye una cinta que ha recibiu ominacions a bel premio cinematografico, encara que no a garra premio d'os mas conoixius u destacaus d'o panorama cinematografico internacional.
Elenco Last Train from Gun Hill en Internet Movie Database. Actor Papel Notas ''''
Se veiga tamién Cine en 1959. Cintas de 1959.
Referencias
Vinclos externos Last Train from Gun Hill en Internet Movie Database. Last Train from Gun Hill en Rotten Tomatoes.
Categoría:Cintas ambientadas en Estaus Unius Categoría:Cintas ambientadas en o sieglo XIX Categoría:Cintas con banda sonora orichinal de Dimitri Tiomkin Categoría:Cintas con dirección de fotografía de Charles B. Lang Jr. Categoría:Cintas con guión de James Poe Categoría:Cintas de cine de drama Categoría:Cintas de western Categoría:Cintas d'Estaus Unius Categoría:Cintas dirichidas por John Sturges Categoría:Cintas en anglés Categoría:Cintas en Technicolor Categoría:Cintas en VistaVision Categoría:Cintas interpretadas por Anthony Quinn Categoría:Cintas interpretadas por Bing Russell Categoría:Cintas interpretadas por Brad Dexter Categoría:Cintas interpretadas por Brian G. Hutton Categoría:Cintas interpretadas por Carolyn Jones Categoría:Cintas interpretadas por Earl Holliman Categoría:Cintas interpretadas por Kirk Douglas Categoría:Cintas interpretadas por Val Avery Categoría:Cintas interpretadas por Walter Sande Categoría:Cintas interpretadas por Ziva Rodann Categoría:Cintas producidas por Hal B. Wallis Categoría:Cintas rodadas en Arizona Categoría:Cintas rodadas en Fairbank (Arizona) Categoría:Cintas rodadas en lgin (Arizona) Categoría:Cintas rodadas en Los Angeles Categoría:Cintas rodadas en Newhall (California) Categoría:Cintas rodadas en Patagonia (Arizona) Categoría:Cintas rodadas en Sonoita (Arizona) Categoría:Cintas rodadas en St. David (Arizona) Categoría:Cintas rodadas en Tucson