Rambo: First Blood Part II (títol orichinal en anglés, en aragonés Rambo: primera angre parte II, estrenada en Aragón con o títol en castellano de Rambo: Acorralado, parte II, en aragonés Rambo: acorralau, parte II) ye una cinta de cine d'acción estrenada l'anyo 1985 copoducida por o cine estausunidense, lo cine mexicano y lo cine neerlandés, dirichida por George Pan Cosmatos seguntes un guión adaptau por Sylvester Stallone y James Cameron (basau en una historia de Kevin Jarre basada a la vegada en os personaches creyaus por David Morrell), con una banda sonora orichinal de Jerry Goldsmith, una dirección de fotografía de Jack Cardiff, una producción cinematografica de Buzz Feitshans ta las productoras Carolco Pictures, Anabasis Investments, N.V. y Estudios Churubusco Azteca, y un elenco d'o cual en fan parte Sylvester Stallone, Richard Crenna, Charles Napier, Steven Berkoff, Julia Nickson, Martin Kove, George Cheung, Andy Wood, Steve Williams, William Ghent, Voyo Goric y Dana Lee, entre d'atros actors. Ye la segunda cinta d'a franquicia cinematografica Rambo, dimpués de First Blood (1982, Ted Kotcheff) y antes de Rambo III (1988, Peter MacDonald).
Tres anyos dimpués d'os escaicimientos en Hope (Washington), John Rambo, un antigo miembro d'as United States Army Special Forces, se troba en a garchola complindo treballos forzaus. Sam Trautman, o suyo antigo coronel mientres a Guerra de Vietnam, el visita ta explicar-li que lo Gubierno d'Estaus Unius creye que encara quedan presoneros de guerra en Vietnam y que s'ha aprebau una infiltración d'amagau en ixe país ta comprebar si ixo ye asinas, y que él ha estau designau ta estar qui cumpla dita misión. Rambo accepta, a cambio de recibir un indulto d'o president d'os Estaus Unius. Viacha enta Tailandia, a on se reúne con Roger Murdock, qui ye a lo cudiau d'a operación. Rambo s'infiltra en Vietnam, a on i contacta con Co Bao, una mesacha con Co Bao, una achent vietnamita que treballa ta los estausunidenses y organiza la puyada por un río dica plegar amán d'o campo de presoneros a on aparentent se troban os presoneros estausunidenses. Cuan i plega, constata que efectivament bi ha presoneros de guerra en o campo y, incumplindo las órdens recibidas, libera a un d'os presoneros. Pero cuan ha de plegar l'helicoptero que ha de levar-los enta la base, malas que Murdock conoix que torna con un presonero liberau, cancela la extraccción y fa tornar l'helicoptero sin Rambo ni lo presonero. En a base, Trautman comprén que els han enganyau y que la misión yera nomás que ta presentar debant d'a opinión publica estausunidense a un heroi de guerra afirmando que no heba trobau presoneros. Rambo plega en a mesma conclusión, en conoixer por o presonero que ha liberau que yera prevista la suya marcha d'o campo feba bels días, de modo que cuan él i plegase lo campo estase vuedo. Rambo ye capturau y en o campo constata que los vietnamitas contan con l'aduya de soldaus rusos. Cuan el fuerzan a contactar con a suya bae, Rambo menaza a Murdock por haber-lo albandonau, y poco dimpués fuye d'o campo, con un doble obchectivo: vengar-se d'os vietnamitas y d'os rusos y liberar a los presoneros ta levar-los enta los Estaus Unius.
A cinta s'ambienta en a suya epoca actual (1985) en Estaus Unius, Tailandia y Vietnam, y las suyas escenas se filmoron en Acapulco de Juárez, Tecoanapa y atros puestos de Guerrero y de Chiapas en Mexico. Localizacions de Rambo: First Blood Part II en Internet Movie Database.
Se tracta d'una cinta que ha recibiu bels premios y nominacions, en destacando una nominación a lo Premio Oscar a lo Millor Soniu en 1986 mientres a 58ena edición d'os Premios Oscar, estando toz os atros premios y nominacions a los Premios Golden Raspberry.
Elenco Rambo: First Blood Part II en Internet Movie Database. Actor Papel Notas ''''
Se veiga tamién Cine en 1985. Cintas de 1985.
Referencias
Vinclos externos
Rambo: First Blood Part II en Internet Movie Database.
Categoría:Cintas ambientadas en Estaus Unius Categoría:Cintas ambientadas en Tailandia Categoría:Cintas ambientadas en Vietnam Categoría:Cintas ambientadas en 1985 Categoría:Cintas con banda sonora orichinal de Jerry Goldsmith Categoría:Cintas con dirección de fotografía de Jack Cardiff Categoría:Cintas con guión de James Cameron Categoría:Cintas con guión de Sylvester Stallone Categoría:Cintas con montache de Gerald B. Greenberg Categoría:Cintas de cine d'acción Categoría:Cintas d'Estaus Unius Categoría:Cintas de Mexico Categoría:Cintas d'os Países Baixos Categoría:Cintas dirichidas por George Pan Cosmatos Categoría:Cintas en anglés Categoría:Cintas en ruso Categoría:Cintas en vietnamita Categoría:Cintas en Panavision Categoría:Cintas en Technicolor Categoría:Cintas interpretadas por Andy Wood Categoría:Cintas interpretadas por Charles Napier Categoría:Cintas interpretadas por Dana Lee Categoría:Cintas interpretadas por George Cheung Categoría:Cintas interpretadas por Julia Nickson Categoría:Cintas interpretadas por Martin Kove Categoría:Cintas interpretadas por Richard Crenna Categoría:Cintas interpretadas por Steve Williams Categoría:Cintas interpretadas por Steven Berkoff Categoría:Cintas interpretadas por Sylvester Stallone Categoría:Cintas interpretadas por Voyo Goric Categoría:Cintas interpretadas por William Ghent Categoría:Cintas producidas por Buzz Feitshans Categoría:Cintas rodadas en Acapulco de Juárez Categoría:Cintas rodadas en Chiapas Categoría:Cintas rodadas en Tecoanapa Categoría:Cintas rodadas en estau de Guerrero