Hard Target (títol orichinal en anglés, en aragonés Obchectivo difícil, estrenada en Aragón con o títol de Blanco humano) ye una cinta de cine estausunidense de cine de drama d'acción policiaca estrenada l'anyo 1993, dirichida por John Woo seguntes un guión orichinal de Chuck Pfarrer, con una banda sonora orichinal de Graeme Revell y Tim Simonec, una dirección de fotografía de Russell Carpenter, una producción cinematografica de James Jacks y Sean Daniel ta las productoras Alphaville Films y Renaissance Pictures, y un elenco d'o cual en fan parte, entre d'atros actors, Jean-Claude Van Damme, Lance Henriksen, Arnold Vosloo, Yancy Butler, Kasi Lemmons, Chuck Pfarrer, Willie C. Carpenter y Wilford Brimley.
Douglas Binder ye un antigo miembro d'o United States Marine Corps Force Reconnaissance, veterano d'a Guerra de Vietnam, que ye actualment un sin teito en as carreras de Nueva Orleans. Li ufren 10.000 dólars por acceptar fer de presa en una cacera humana, organizada por Emil Fouchon y lo suyo aduyant Pik van Cleaf ta personas bien cabaleras, que pagan 500.000 dólars cada una por partecipar. Como yera d'asperar, Binder muere y Fouchon recupera los 10.000 dólars. Ixe mesmo día plega enta Nueva Orleans Natasha, la filla de Binder, que no sabeba que viviba en as carreras y, investigando, descubre que ha desapareixiu. Mientres una d'as suyas visitas en busca d'informacions, l'atacan un grupo que quieren robar-li los diners y violar-la, pero la salva Chance Boudreaux. Iste ye tamién una persona sin teito, tamién antigo miembro d'o United States Marine Corps Force Reconnaissance y actualment marinero sin treballo, que accepta aduyar-la a cambio d'os 217 dólars que amenista ta poder pagar cuotas a lo sindicato y asinas poder tornar a treballar. Prencipian a busca y plegan enta Randal Poe, qui saben que buscaba personas sin teito pero con experiencia militar (y que ye qui proporciona las victimas a Fouchon). No lis diz cosa, pero van Cleaf ha escuitau a conversación y castigan a Poe por ninviar-les a una victima con familia que podese buscar-lo. A Policía finalment troba a Binder en un incendio, carbonizau, y dicen que ha estau un accident, pero Boudreaux descubre que ha estau un asasinato. Van Cleaf los ataca ta intimidar-los, a la vegada que Fouchon organiza una zaguera cacera con Elijah Roper, amigo de Boudreaux y antigo miembro d'as United States Army Special Forces, como victima. Roper muere chusto cuan el troban Boudreaux, Natasha y una policía, pero ista muere en a baralla y Boudreaux leva a la mesacha enta su tío Clarence Douvee, un cajun como él que vive en os chapazals de Loisiana, y se preparan ta luitar contra Fouchon, van Cleaf, os suyos hombres y los partecipants en a cacera.
A cinta s'ambienta en a suya epoca actual (1993) en Nueva Orleans y atros puestos de Loisiana, y las suyas escenas se filmoron en Baton Rouge, Nueva Orleans, Vacherie y White Castle (Loisiana) y Mobile (Alabama). Localizacions de Hard Target en Internet Movie Database.
Hard Target ye una cinta que ha recibiu bels premios y nominacions, encara que garra d'éls no fa parte d'a lista de premios mas conoixius u destacaus d'o panorama cinematografico internacional.
Elenco Hard Target en Internet Movie Database. Actor Papel Notas ''''
Se veiga tamién Cine en 1993. Cintas de 1993.
Referencias
Vinclos externos Hard Target en Internet Movie Database. Hard Target en TCM Movie Database. Hard Target en Rotten Tomatoes. Hard Target en Metacritic. Hard Target en Box Office Mojo.
Categoría:Cintas ambientadas en Loisiana Categoría:Cintas ambientadas en Nueva Orleans Categoría:Cintas ambientadas en 1993 Categoría:Cintas con banda sonora orichinal de Graeme Revell Categoría:Cintas con banda sonora orichinal de Tim Simonec Categoría:Cintas con dirección de fotografía de Russell Carpenter Categoría:Cintas con guión de Chuck Pfarrer Categoría:Cintas con montache de Bob Murawski Categoría:Cintas de cine d'acción Categoría:Cintas de cine de drama Categoría:Cintas de cine policiaco Categoría:Cintas d'Estaus Unius Categoría:Cintas dirichidas por John Woo Categoría:Cintas en anglés Categoría:Cintas en francés Categoría:Cintas en Color by DeLuxe Categoría:Cintas en Panavision Categoría:Cintas interpretadas por Arnold Vosloo Categoría:Cintas interpretadas por Chuck Pfarrer Categoría:Cintas interpretadas por Jean-Claude Van Damme Categoría:Cintas interpretadas por Kasi Lemmons Categoría:Cintas interpretadas por Lance Henriksen Categoría:Cintas interpretadas por Wilford Brimley Categoría:Cintas interpretadas por Willie C. Carpenter Categoría:Cintas interpretadas por Yancy Butler Categoría:Cintas producidas por James Jacks Categoría:Cintas producidas por Sean Daniel Categoría:Cintas rodadas en Baton Rouge Categoría:Cintas rodadas en Mobile Categoría:Cintas rodadas en Nueva Orleans Categoría:Cintas rodadas en Vacherie Categoría:Cintas rodadas en White Castle (Loisiana)