Secret of the Incas (títol orichinal en anglés, en aragonés O secreto d'os incas, estrenada en Aragón con o suyo títol traduciu enta lo castellano como El secreto de los incas) ye una cinta de cine estausunidense de cine d'aventuras estrenada l'anyo 1954, dirichida por Jerry Hopper seguntes un guión adaptau por Sydney Boehm y Ranald MacDougall (basau en The Legend of the Incas, de Sydney Boehm), con una banda sonora orichinal de David Buttolph, una dirección de fotografía de Lionel Lindon y Irma Roberts, una producción cinematografica de Mel Epstein ta la productora cinematografica Paramount Pictures y un elenco formau por Charlton Heston, Robert Young, Nicole Maurey, Thomas Mitchell, Glenda Farrell, Yma Sumac, Michael Pate, Leon Askin, William Henry, Marion Ross y Alvy Moore, entre d'atros actors. Como curiosidat, a cinta ye una d'as inspiracions d'una atra cinta, Raiders of the Lost Ark (1981, Steven Spielberg).
Harry Steele ye un aventurero estausunidense que fa de guía turistico en Cuzco, que creye que puet trobar una fabulosa gran choya de l'Imperio Inca, un gran sol d'oro con piedras preciosas, porque poseye un fragmento de piedra que fa parte d'un mapa de Machu Picchu que se troba en un chicot museu local. Ed Morgan fa 14 anyos que busca ixe mesmo trasoro y se siente viello y cansau, asinas que ha contractau a u ta que faga fuera a Harry. Harry se salva y menaza a Ed, negando-se amás a vender-le la piedra que poseye. Ed diz a Harry que l'ha contractau como guía ta Elena Antonescu, una refuchiada fuyida de Rumanía. Ista explica que no tien diners y que busca marchar enta los Estaus Unius, pero amás explica que la persigue Anton Marcu, un funcionario rumano, y que iste poseye una avioneta. Harry decide aparentar que vende la información a Marcu, ta que asinas iste plegue enta Cuzco con a suya avioneta y poder robar-la. Lo fa asinas, pero ha de pactar con Elena levar-la dica Mexico. Lo fa, pero la realidat ye que marcha enta Machu Picchu. Cuan i plegan, i troban una expedición arqueolochica a lo cudiau de Stanley Moorehead, que son fendo-ie excavacions en busca d'a fuesa a on se troba apedacau l'inca Manco Cápac y a on se i troba lo sol d'oro. Poco dimpués i plega Ed, que s'apodera d'o sol, a la vegada que Moorehead proposa matrimonio a Elena, anque ista por qui siente realment atracción ye por Harry, nomás que no li cuaca la suya obsesión por o sol d'oro.
A cinta s'ambienta en a suya epoca actual (1954) en Cuzco y atros puestos d'o departamento de Cuzco (incluyindo-ie Machu Picchu) en Perù; y las suyas escenas se filmoron en ixos dos mesmos lugars y en os Paramount Studios en Los Angeles (California) en os Estaus Unius. Localizacions de Secret of the Incas en Internet Movie Database.
Secret of the Incas ye una cinta que ha recibiu bella nominación a bel premio, pero que o se tracta de garra premio d'os mas conoixius u destacaus d'o panorama cinematografico internacional.
Elenco Secret of the Incas en Internet Movie Database. Actor Papel Notas ''''
Se veiga tamién Cine en 1954. Cintas de 1954.
Referencias
Vinclos externos Secret of the Incas en Internet Movie Database.
Categoría:Cintas ambientadas en Cuzco Categoría:Cintas ambientadas en o departamento de Cuzco Categoría:Cintas ambientadas en 1954 Categoría:Cintas con banda sonora orichinal de David Buttolph Categoría:Cintas con dirección de fotografía de Lionel Lindon Categoría:Cintas con guión de Ranald MacDougall Categoría:Cintas con guión de Sydney Boehm Categoría:Cintas con dirección de fotografía d'Irma Roberts Categoría:Cintas con montache d'Eda Warren Categoría:Cintas de cine d'aventuras Categoría:Cintas d'Estaus Unius Categoría:Cintas dirichidas por Jerry Hopper Categoría:Cintas en anglés Categoría:Cintas en castellano Categoría:Cintas en quichua Categoría:Cintas en rumano Categoría:Cintas en Technicolor Categoría:Cintas interpretadas por Alvy Moore Categoría:Cintas interpretadas por Charlton Heston Categoría:Cintas interpretadas por Glenda Farrell Categoría:Cintas interpretadas por Leon Askin Categoría:Cintas interpretadas por Marion Ross Categoría:Cintas interpretadas por Michael Pate Categoría:Cintas interpretadas por Nicole Maurey Categoría:Cintas interpretadas por Robert Young Categoría:Cintas interpretadas por Thomas Mitchell Categoría:Cintas interpretadas por William Henry Categoría:Cintas interpretadas por Yma Sumac Categoría:Cintas producidas por Mel Epstein Categoría:Cintas rodadas en Cuzco Categoría:Cintas rodadas en o departamento de Cuzco Categoría:Cintas rodadas en Los Angeles