In a Valley of Violence (títol orichinal en anglés, en aragonés En a val d'a violencia, estrenada en Aragón con o suyo títol traduciu enta lo castellano como El valle de la violencia) ye una cinta de cine estausunidense de cine de western dramatico estrenada l'anyo 2016, dirichida por Ti West seguntes un guión orichinal d'él mesmo, con una banda sonora orichinal de Jeff Grace, una dirección de fotografía d'Eric Robbins y una producción cinematografica de Jason Blum, Jacob Jaffke y Peter Phok ta la productora cinematografica Blumhouse Productions. Fan parte de l'elenco d'a cinta, entre d'atros actors, Ethan Hawke, John Travolta, Taissa Farmiga, James Ransone, Karen Gillan, Burn Gorman, Kaius Harrison, Toby Huss, Larry Fessenden y Tommy Nohilly.
En primerías d'os anyos 1870, Paul ye un vagaroso que viacha con a suya can Abbie enta Mexico. Cuan plega enta un lugar clamau Denton, dentra en a tabierna local, a on i troba a Gilly, un choven desagradable y farute que el reta a barallar-se, pero Paul no lo fa dica que Gilly no agrede a Abbie. Con nomás que una nyacada l'ixarna. Ellen, a suya novia, corre ta aduyar-lo, pero a la chirmana d'Ellen, Mary-Anne, li ha cuacau que haiga feito cara a Gilly y li prepara un banyo en a posada, a on i treballa. O pai de Gilly ye lo "sheriff" d'o lugar y diz a Paul que sabe que su fillo l'ha provocau pero que ye millor que marche, y Paul diz que lo fará. Antis de marchar, Mary-Anne li fa una fotografía ta que la remere. Cuan Paul marcha, en plegar a nueit, l'atacan Gilly y los suyos amigos, matando a Abbie y tombando a Paul por un cinglo ta que se mate. Pero Paul no muere. Apedaca a Abbie y marcha de tornada enta Denton ta vengar-se, trobando-ie l'aduya de Mary-Anne, qui li demana que en marchar la leve con él.
A cinta s'ambienta en os anyos 1870 en bel puesto indeterminau de l'ueste d'Estaus Unius y las suyas escenas se filmoron en Galisteo y Santa Fe (Nuevo Mexico). Localizacions d'In a Valley of Violence en Internet Movie Database.
Elenco In a Valley of Violence en Internet Movie Database. Actor Papel Notas ''''
Se veiga tamién Cine en 2016. Cintas de 2016.
Referencias
Vinclos externos In a Valley of Violence en Internet Movie Database. In a Valley of Violence en Rotten Tomatoes. In a Valley of Violence en Metacritic. In a Valley of Violence en Box Office Mojo.
Categoría:Cintas ambientadas en Estaus Unius Categoría:Cintas ambientadas en os anyos 1870 Categoría:Cintas con banda sonora orichinal de Jeff Grace Categoría:Cintas con dirección de fotografía d'Eric Robbins Categoría:Cintas con guión de Ti West Categoría:Cintas con montache de Ti West Categoría:Cintas de cine de drama Categoría:Cintas de western Categoría:Cintas d'Estaus Unius Categoría:Cintas dirichidas por Ti West Categoría:Cintas en anglés Categoría:Cintas en Panavision Categoría:Cintas en Techniscope Categoría:Cintas interpretadas por Burn Gorman Categoría:Cintas interpretadas por Ethan Hawke Categoría:Cintas interpretadas por James Ransone Categoría:Cintas interpretadas por John Travolta Categoría:Cintas interpretadas por Kaius Harrison Categoría:Cintas interpretadas por Karen Gillan Categoría:Cintas interpretadas por Larry Fessenden Categoría:Cintas interpretadas por Taissa Farmiga Categoría:Cintas interpretadas por Toby Huss Categoría:Cintas interpretadas por Tommy Nohilly Categoría:Cintas producidas por Jacob Jaffke Categoría:Cintas producidas por Jason Blum Categoría:Cintas producidas por Peter Phok Categoría:Cintas rodadas en Galisteo (Nuevo Mexico) Categoría:Cintas rodadas en Santa Fe (Nuevo Mexico)