Iste articlo ye sobre una cinta de cine negro d'intriga de cine estausunidense de 1946; ta atros usos, se veiga The Stranger.

The Stranger (títol orichinal en anglés, en aragonés L'estranio, estrenada en Aragón con o suyo títol traduciu enta lo castellano como El extraño) ye una cinta de cine negro d'intriga de cine estausunidense estrenada l'anyo 1946 dirichida por Orson Welles seguntes un guión adaptau por Anthony Veiller, Victor Trivas y Decla Dunning (basau en una historia de Victor Trivas), con una banda sonora orichinal de Bronisław Kaper, una dirección de fotografía de Russell Metty, una producción cinematografica de S. P. Eagle ta la productora cinematografica International Pictures y un elenco d'o cual en fan parte, entre d'atros actors, Orson Welles, Edward G. Robinson, Loretta Young, Philip Merivale, Richard Long, Konstantin Shayne, Byron Keith, Billy House, Martha Wentworth, Isabel O'Madigan, Pietro Sosso, Erskine Sanford, Theodore Gottlieb y David Bond.

Wilson ye un achent d'a Comisión de Crímens de Guerra d'as Nacions Unidas que busca por crímens de guerra a Franz Kindle, un perigloso nazi que ha destruyiu toda preba que hese podiu identificar-lo. A sola pista, bien feble, ye que l'apasionan os reloches. Wilson descubre que un antigo socio de Kindle, que el conoix, se troba en a garchola. Se tracta de Konrad Meinike, y fa que lo liberen con l'asperanza de que lo leve enta lo fuchitivo. Sigue lo suyo rastro dica plegar enta un lugarón en Connecticut, pero Meinike desapareixe aparentment antes de trobar-se con Kindle. En ixe lugar Kindle ha asumiu a personalidat de "Charles Rankin" y treballa como mayestro en una escuela. Amás ye amán de casar-se con Mary Longstreet, una mesacha filla d'un chuez d'a Cort Suprema d'os Estaus Unius. Amás, colabora en a reconstrucción d'un reloch con figuras en movimiento que se troba en o campanal d'a ilesia local. Meinike ataca a Wilson y l'albandona deixando-lo por muerto, y cuan a la fin se troba con Kindle preba de convencer-lo de que s'entregue, pero ista l'asasina, apedacando-lo en a selva vecina. Wilson cuan se recupera prencipia a investigar a los habitants que fa poco que han plegau enta la localidat y en primeras no sospeita de "Rankin" por a suya futura voda, pero poquet a poquet prencipia a trobar indicios. D'atra man, Mary ye la sola persona que sabe que una persona heba plegau ta charrar con Kindle y ha desapareixiu, asinas que Kindle decide asasinar-la a ella ta evitar que pueda delatar-lo. Amás, Mary ha prencipiau a fer preguntas a lo suyo novio y iste se veye obligau a inventar una historia de chantache contra él. Pero Wilson ye cada vegada mas convenciu de que "Rankin" ye l'hombre que ye buscando.

The Stranger s'ambienta en a suya epoca actual (1946) en Connecticut. As suyas escenas se filmoron en os United Artists Studios en West Hollywood (California) en os Estaus Unius. Localizacions de The Stranger en Internet Movie Database.

Se tracta d'una cinta que ha recibiu bellas nominacions a bels premios, en destacando una nominación a lo Premio Oscar a lo Millor Argumento en 1947, mientres a 19ena edición d'os Premios Oscar.

Elenco The Stranger en Internet Movie Database. {|class="wikitable sortable" style="font-size: 90%;"

! style="background:#ABD2D0;" | Actor ! style="background:#ABD2D0;" | Papel ! style="background:#ABD2D0;" | Notas

| ''

Se veiga tamién Cine en 1946. Cintas de 1946.

Referencias

Vinclos externos

The Stranger en YouTube. The Stranger en Internet Movie Database. The Stranger en l'American Film Institute Catalog de l'American Film Institute''.

Categoría:Cintas ambientadas en Connecticut Categoría:Cintas ambientadas en 1946 Categoría:Cintas con banda sonora orichinal de Bronisław Kaper Categoría:Cintas con dirección de fotografía de Russell Metty Categoría:Cintas con guión d'Anthony Veiller Categoría:Cintas con guión de Decla Dunning Categoría:Cintas con guión de Victor Trivas Categoría:Cintas con montache d'Ernest J. Nims Categoría:Cintas de cine d'intriga Categoría:Cintas de cine negro Categoría:Cintas d'Estaus Unius Categoría:Cintas dirichidas por Orson Welles Categoría:Cintas en anglés Categoría:Cintas en castellano Categoría:Cintas en francés Categoría:Cintas en blanco y negro Categoría:Cintas interpretadas por Billy House Categoría:Cintas interpretadas por Byron Keith Categoría:Cintas interpretadas por David Bond Categoría:Cintas interpretadas por Edward G. Robinson Categoría:Cintas interpretadas por Erskine Sanford Categoría:Cintas interpretadas por Isabel O'Madigan Categoría:Cintas interpretadas por Konstantin Shayne Categoría:Cintas interpretadas por Loretta Young Categoría:Cintas interpretadas por Martha Wentworth Categoría:Cintas interpretadas por Orson Welles Categoría:Cintas interpretadas por Philip Merivale Categoría:Cintas interpretadas por Pietro Sosso Categoría:Cintas interpretadas por Richard Long Categoría:Cintas interpretadas por Theodore Gottlieb Categoría:Cintas producidas por S. P. Eagle Categoría:Cintas rodadas en West Hollywood (California)