La daga de Rasputín (títol orichinal en castellano, en aragonés A daga de Rasputin, estrenada en Aragón con o suyo títol orichinal) ye una cinta de cine de comedia de cine espanyol estrenada l'anyo 2011, dirichida por Jesús Bonilla seguntes un guión orichinal d'él mesmo y de Joaquín Andújar, con una banda sonora orichinal de Roque Baños, una dirección de fotografía de Juan Molina Temboury y una producción cinematografica d'Enrique Cerezo ta la suya productora cinematografica Enrique Cerezo Producciones Cinematográficas y ta Telecinco Cinema. Fan parte de l'elenco d'a cinta Jesús Bonilla, Antonio Molero, Andrés Pajares, Antonio Resines, Carolina Bang, Mario Pardo, María Barranco, Juan Luis Galiardo y Alberto Chaves, entre d'atros actors.
Una daga forchada en l'Antigo Echipto atorga uns poders excepcionals a lo suyo poseyedor. Grans feguras d'a historia en han estau propietarias, como Chulio César, Atila u Napoleón Bonaparte. Lo suyo zaguer poseyedor estió Grigori Rasputin, y dende la suya muerte la daga ye desapareixida. Pero en 2011 a mafia rusa identifica en una garchola de Madrit a Jacinto, portador d'una anomalía chenetica que el vincla con o rastro d'a daga. Ixa información plega enta lo cheneral Krilenco, un nostalchico d'a Unión Sovietica, que fa servir os suyos contactos con Zadkin, actualment un mafioso pero d'antes mas vinculaus a los servicios secretos, ta que consiga la liberación de Jacinto. Pero iste, que sospeita lo que s'escayece, se niega a marchar d'a garchola y provoca un incendio en a mesma, con o resultau de que el tresladan enta una garchola de maxima seguredat chunto con "Papeles" y "Araña", dos presos que s'han trobau en bel meyo de l'incident. Os rusos fan servir un helicoptero ta secuestrar a la furgoneta policial que els treslada y se levan a Jacinto, pero "Papeles" y "Araña" consiguen liberar-lo. "Papeles" leva a Jacinto enta un psicoanalista ta descubrir as memorias de Jacinto, trobando que la daga puet estar en un orfanato en Rusia, asinas que marchan toz tres, con a muller y la filla de "Papeles", enta Rusia, encara que Jacinto no ha saliu encara d'a hipnosi que li han provocau y contina estando un nino chicot, con un comportamiento propio d'un nino. En Rusia troban a Ludmila, qui conduz un taxi y accepta aduyar-los, pero lo que no saben ye que Ludmila en realidat ye la filla de Zadkin.
A cinta s'ambienta en a suya epoca actual (2011) en Madrit (Comunidat de Madrit) en Espanya y en Rusia; y las suyas escenas se filmoron en Madrit (Comunidat de Madrit) en Espanya y en Moscú en Rusia. Localizacions de La daga de Rasputín, en Internet Movie Database.
Elenco La daga de Rasputín en Internet Movie Database. Actor Papel Notas ''''
Se veiga tamién Cine en 2011. Cintas de 2011.
Referencias
Vinclos externos La daga de Rasputín en Internet Movie Database. La daga de Rasputín en FilmAffinity.
Categoría:Cintas ambientadas en Madrit Categoría:Cintas ambientadas en Rusia Categoría:Cintas ambientadas en 2011 Categoría:Cintas con banda sonora orichinal de Roque Baños Categoría:Cintas con dirección de fotografía de Juan Molina Temboury Categoría:Cintas con guión de Jesús Bonilla Categoría:Cintas con guión de Joaquín Andújar Categoría:Cintas con montache de Miguel Ángel Santamaría Categoría:Cintas de cine de comedia Categoría:Cintas d'Espanya Categoría:Cintas dirichidas por Jesús Bonilla Categoría:Cintas en alemán Categoría:Cintas en castellano Categoría:Cintas en ruso Categoría:Cintas interpretadas por Alberto Chaves Categoría:Cintas interpretadas por Andrés Pajares Categoría:Cintas interpretadas por Antonio Molero Categoría:Cintas interpretadas por Antonio Resines Categoría:Cintas interpretadas por Carolina Bang Categoría:Cintas interpretadas por Jesús Bonilla Categoría:Cintas interpretadas por Juan Luis Galiardo Categoría:Cintas interpretadas por María Barranco Categoría:Cintas interpretadas por Mario Pardo Categoría:Cintas producidas por Enrique Cerezo Categoría:Cintas rodadas en Madrit Categoría:Cintas rodadas en Moscú