Iste articlo ye sobre una cinta estausunidense de cine d'aventuras estrenada l'anyo 1996; ta atros usos, se veiga Alaska (desambigación).
Alaska (títol orichinal, estrenada en Aragón con o suyo títol orichinal) ye una cinta de cine estausunidense de cine d'aventuras estrenada l'anyo 1996, dirichida por Fraser Clarke Heston seguntes un guión orichinal d'Andy Burg y Scott Myers, con una banda sonora orichinal de Reg Powell, una dirección de fotografía de Tony Westman y una producción cinematografica de Carol Fuchs y Andy Burg ta las productoras Columbia Pictures, Castle Rock Entertainment y Fuchs/Burg Productions. Conta con un elenco d'o cual en fan parte, entre d'atros, os actors Thora Birch, Vincent Kartheiser, Dirk Benedict, Charlton Heston, Duncan Fraser, Gordon Tootoosis, Ben Cardinal, Ryan Kent, Don S. Davis, Dolly Madsen, Stephen E. Miller, Byron Chief-Moon, Kristin Lehman y Adrien Dorval.
Jake Barnes ha quedau viduo y ha deixau o suyo treballo en una gran companyía ta treballar en Alaska en pilotando un chicot avión ta la Quincy Air Service repartindo papel hichienico por os lugars d'Alaska. Colin Perry y lo Sr. Koontz son dos cazadors ceperos que matan a una onsa polar y roban a lo suyo onset ta vender-lo a un client de Hong Kong. Jake tien dos fillos, Jessie y Sean; Jessie s'ha adaptau bien a lo cambio de vida en tresladar-se enta Alaska, pero Sean fa de menos a su mai y a la suya vida anterior. Cuan Jake recibe un aviso d'emerchencia marcha con a suya avioneta, pero padeixe un accident amán de Devils Thumb y los servicios de busca no el troban. Jessie y Sean, frustraus y convencius de que contina vivo, marchan en a suya busca en kayak por o golfo d'Alaska. Troban o campamento d'os cazadors y veyen a l'onset zarrau en una gaviola con a piel de su mai muerta y el liberan. Cuan os cazadors veyen que no ye l'onset, siguen a los ninos y los carranyan. A lo día siguient, Jessie y Sean continan a busca de su pai, y los sigue l'onset, con Perry y Koonts dezaga de l'onset. Un helicoptero busca a los ninos y troba a los cazadors, que dicen a lo piloto que los ninos han desapareixiu en as auguas, a la vegada que han amagau o suyo kayak. Os ninos troban a Chip (un amigo de Jessie) y a su avuelo Ben, que los salvan en o río, y continan o camín, ya chunto con l'onset, pero Perry y Koontz disparan contra l'onset un dardo tranquilizant y se lo levan en un helicoptero, pero dispierta en o vuelo y ixo li permite escapar, marchando en busca d'os ninos, que ya son os suyos amigos, que a la fin han trobau a Jake.
A cinta s'ambienta en a suya epoca actual (1996) en Alaska, y las suyas escenas se filmoron en localizacions en Alaska en os Estaus Unius y en Columbia Britanica (incuyindo-ie Vancouver) en Canadá. Localizacions d'Alaska, en Internet Movie Database.
Ye una cinta que ha recibiu bellas nominacions a bels premios, encara que garra de ditas nominacions no lo ye a garra premio d'os mas conoixius u destacaus d'o panorama cinematografico internacional.
Elenco Alaska en Internet Movie Database. Actor Papel Notas ''''
Se veiga tamién Cine en 1996. Cintas de 1996.
Referencias
Vinclos externos Alaska en Internet Movie Database.
Categoría:Cintas ambientadas en Alaska Categoría:Cintas ambientadas en 1996 Categoría:Cintas con banda sonora orichinal de Reg Powell Categoría:Cintas con dirección de fotografía de Tony Westman Categoría:Cintas con guión d'Andy Burg Categoría:Cintas con guión de Scott Myers Categoría:Cintas con montache de Rob Kobrin Categoría:Cintas de cine d'aventuras Categoría:Cintas d'Estaus Unius Categoría:Cintas dirichidas por Fraser Clarke Heston Categoría:Cintas en anglés Categoría:Cintas en Technicolor Categoría:Cintas interpretadas por Adrien Dorval Categoría:Cintas interpretadas por Ben Cardinal Categoría:Cintas interpretadas por Byron Chief-Moon Categoría:Cintas interpretadas por Charlton Heston Categoría:Cintas interpretadas por Dirk Benedict Categoría:Cintas interpretadas por Dolly Madsen Categoría:Cintas interpretadas por Don S. Davis Categoría:Cintas interpretadas por Duncan Fraser Categoría:Cintas interpretadas por Gordon Tootoosis Categoría:Cintas interpretadas por Kristin Lehman Categoría:Cintas interpretadas por Ryan Kent Categoría:Cintas interpretadas por Stephen E. Miller Categoría:Cintas interpretadas por Thora Birch Categoría:Cintas interpretadas por Vincent Kartheiser Categoría:Cintas producidas por Andy Burg Categoría:Cintas producidas por Carol Fuchs Categoría:Cintas rodadas en Alaska Categoría:Cintas rodadas en Columbia Britanica