La lengua de las mariposas (títol orichinal en castellano, en aragonés A lengua d'as paixarelas, estrenada en Aragón con o suyo títol orichinal) ye una cinta de cine espanyol de cine de drama social estrenada l'anyo 1999, dirichida por José Luis Cuerda seguntes un guión adaptau por José Luis Cuerda, Rafael Azcona y Manuel Rivas (basaus en bels relatos recullius en ¿Qué me quieres, amor?, publicau por Manuel Rivas en l'anyo 1995), con una banda sonora orichinal d'Alejandro Amenábar, una dirección de fotografía de Javier Salmones y una producción cinematografica de Fernando Bovaira y José Luis Cuerda ta las productoras Sogecine y Las Producciones del Escorpión. De l'elenco d'a cinta en fan parte, entre d'atros actors, Fernando Fernán Gómez, Manuel Lozano, Gonzalo Martín Uriarte, Uxia Blanco, Alexis de los Santos, Elena Fernández, Guillermo Toledo y Tamar Novas.
Moncho ye un nino de 8 anyos que vive en un lugarón de Galicia en primerías de l'anyo 1936, mientres a Segunda Republica Espanyola. No ha iu enta la escuela por problemas medicos y agora redubda de que los mayestros li fagan mal. Pero lo suyo mayestro ye don Gregorio, con una mentalidat bien diferent, en creyer que cal educar a las nuevas cheneracions ta la libertat. O primer día Moncho fa lo santantón en espichorrar-se en clase, y fuye d'a escuela, amagando-se en a selva dica que el troba su chirmano. Dende alavez Moncho prencipia a intresar-se en a vida escolar y a estar amigo de don Gregorio. Iste prencipia a ensenyar-le a Monchi fuera de clase. Moncho fa parte d'una familia formada por Rosa, creyent y d'ideyas conservadoras, y Ramón, partidario de l'ateísmo y d'ideyas progresistas, amás d'Andrés, un chirmano de 15 anyos. En plegar chulio, por a radio prencipian a plegar noticias d'o golpe d'estau y de que prencipia la represión contra los partidarios d'a Segunda Republica Espanyola y la mai de Moncho els obliga a toz a fer cambios ta adaptar-se a la nueva situación, encara que ixo faga distanciar-se a Ramón de tot contacto con as suyas amistaz, incluyiu don Gregorio, y mesmo tractar-los como enemigos.
A cinta s'ambienta en 1936 en Galicia; y las suyas escenas se filmoron en Allariz (incluyius o suyos lugars d'A Enfestela, Folgoso, Novás y Vilar de Flores), Celanova (o lugar de Quintas), Sandiás (o suyo lugar de Piñeira de Arcos) y Xunqueira de Ambía en a provincia d'Ourense, Pontevedra (provincia de Pontevedra) y A Baña (o suyo lugar de Troitosende) y Trazo (o suyo lugar de Chaián) en a provincia d'a Coruña en Galicia. Localizacions de La lengua de las mariposas, en Internet Movie Database.
La lengua de las mariposas ye una cinta que ha recibiu bels premios y nominacons, en destacando un Premio Goya a lo Millor Guión Adaptau y atras 12 nominacions mientres a 14ena edición d'os Premios Goya en l'anyo 2000 (Millor Cinta, Millor Dirección, Millor Actor, Millor Actor Revelación, Millor Musica Orichinal, Millor Fotografia, Millor Montache, Millor Dirección Artistica, Millor Dirección de Producción, Millor Disenyo de Vestuario, Millor Maquillache y Peluquería, y Millor Soniu).
Elenco La lengua de las mariposas en Internet Movie Database. Actor Papel Notas ''''
Se veiga tamién Cine en 1999. Cintas de 1999.
Referencias
Vinclos externos La lengua de las mariposas en Internet Movie Database. La lengua de las mariposas en FilmAffinity. La lengua de las mariposas en Allcinema. La lengua de las mariposas en Allmovie. La lengua de las mariposas en Allociné.
Categoría:Cintas ambientadas en Galicia Categoría:Cintas ambientadas en 1936 Categoría:Cintas con banda sonora orichinal d'Alejandro Amenábar Categoría:Cintas con dirección de fotografía de Javier Salmones Categoría:Cintas con guión de José Luis Cuerda Categoría:Cintas con guión de Manuel Rivas Categoría:Cintas con guión de Rafael Azcona Categoría:Cintas con montache de Nacho Ruiz Capillas Categoría:Cintas de cine de drama Categoría:Cintas de cine social Categoría:Cintas d'Espanya Categoría:Cintas dirichidas por José Luis Cuerda Categoría:Cintas en castellano Categoría:Cintas en Panavision Categoría:Cintas interpretadas por Alexis de los Santos Categoría:Cintas interpretadas por Elena Fernández Categoría:Cintas interpretadas por Fernando Fernán Gómez Categoría:Cintas interpretadas por Gonzalo Martín Uriarte Categoría:Cintas interpretadas por Guillermo Toledo Categoría:Cintas interpretadas por Manuel Lozano Categoría:Cintas interpretadas por Tamar Novas Categoría:Cintas interpretadas por Uxia Blanco Categoría:Cintas producidas por Fernando Bovaira Categoría:Cintas producidas por José Luis Cuerda Categoría:Cintas rodadas en A Baña Categoría:Cintas rodadas en Allariz Categoría:Cintas rodadas en Celanova Categoría:Cintas rodadas en Pontevedra Categoría:Cintas rodadas en Sandiás Categoría:Cintas rodadas en Trazo Categoría:Cintas rodadas en Xunqueira de Ambía Categoría:Nominada a lo Premio Goya a la Millor Cinta