Iste articlo ye sobre una cinta estausunidense de cine de western de l'anyo 2007; ta atros usos, se veiga 3:10 to Yuma.
3:10 to Yuma (títol orichinal en anglés, en aragonés 3 y 10 enta Yuma, estrenada en Aragón con o títol en castellano d'El tren de las 3:10, en aragonés O tren d'as 3 y 10) ye una cinta de cine estausunidense de cine de western dramatico estrenada l'anyo 2007, dirichida por James Mangold seguntes un guión adaptau por Halsted Welles, Michael Brandt y Derek Haas (basau en "Three-Ten to Yuma", un relato curto publicau en Dime Western Magazine por Elmore Leonard en l'anyo 1953), con una banda sonora orichinal de Marco Beltrami, una dirección de fotografía de Phedon Papamichael, una producción cinematografica de Cathy Konrad ta las productoras Relativity Media y Tree Line Film y que conta con un elenco d'o cual en fan parte, entre d'atros actors, Russell Crowe, Christian Bale, Peter Fonda, Gretchen Mol, Ben Foster, Dallas Roberts, Alan Tudyk, Vinessa Shaw, Logan Lerman, Kevin Durand, Lennie Loftin, Forrest Fyre, Johnny Whitworth y Luke Wilson. Se tracta de feito d'una nueva versión d'o western clasico 3:10 to Yuma, estrenada l'anyo 1957.
En 1884 en Arizona, Dan Evans ye un antigo soldau d'os Estaus Confederaus d'America en a Guerra Civil d'os Estaus Unius empobriu y que li debe diners a lo banquero de Bisbee Glen Hollander. Os farutes a lo servicio d'iste zaguero incendian o suyo granero y atacan o suyo ganau como advertencia ta que pague la deuda. A lo día siguient, Evans con sus dos fillos ye replegando lo suyo ganau ixeminau por l'ataque cuan veye a lo bandiu Ben Wade atacando una dilichencia. Iste tamién els veye y lis pilla los suyos caballos ta que no puedan advertir d'o robo, pero els deixa marchar, decindo-les que deixará los suyos caballos ataus en o camín enta Bisbee. Evans y sus fillos aduyan a Byron McElroy, o solo achent de l'Achencia Nacional de Detectives Pinkerton que ha sobreviviu a l'ataque enta la dilichencia. Simultaniament, Wade y la suya banda han dentrau en Bisbee ta celebrar o robo en o "saloon" y cuan a banda marcha, Wade remanie con una prostituta d'o "saloon". Evans ha plegau tamién en Bisbee con l'achent feriu, y se troba present cuan os achents rodian a Wade y el fan preso. Grayson Butterfield, lo representant d'a companyía d'o ferrocarril, contracta a un grupo d'hombres ta levar a Wade enta un tren que ha de marchar dende lo lugar de Contention a las 3h y 10' enta la garchola de Yuma, y Evans acceptar estar miembro d'o grupo a cambio de 200 dólars ta pagar a suya deuda con Hollander. Prencipia lo viache d'o grupo, complicau porque Wade preba terne que terne de fuyir y mesmo lo consigue transitoriament, Evans troba a su fillo que s'adhibe a lo grupo, troban apaches en o suyo camín y, amás, els persigue la banda de Wade. Cuan a la fin plegan enta Contention, tamién i plega la banda de Wade, que ufre una recompensa a cualsiquiera que mate a un d'os miembros d'o grupo que tien presonero a lo suyo chefe.
A cinta s'ambienta en 1884 en Bisbee y atros puestos d'Arizona, y las suyas escenas se filmoron en Abiquiú, Galisteo, Santa Fe y atros puestos de Nuevo Mexico, Clifton, SDafford y atros puestos d'Arizona y Los Angeles en California. Localizacions de 3:10 to Yuma en Internet Movie Database.
Se tracta d'una cinta que ha recibiu cuantismos premios y nominacions, en destacando dos nominacions a los Premios Oscar (Millor Banda Sonora Orichinal y Millor Soniu) en 2008 mientres a 80ena edición de ditos premios.
Elenco 3:10 to Yuma en Internet Movie Database. {|class="wikitable sortable" style="font-size: 90%;"
! style="background:#ABD2D0;" | Actor ! style="background:#ABD2D0;" | Papel ! style="background:#ABD2D0;" | Notas
| ''
Se veiga tamién Cine en 2007. Cintas de 2007.
Referencias
Vinclos externos 3:10 to Yuma en Internet Movie Database. 3:10 to Yuma en l'American Film Institute Catalog de l'American Film Institute''. 3:10 to Yuma en Rotten Tomatoes. 3:10 to Yuma en Metacritic. 3:10 to Yuma en Box Office Mojo.
Categoría:Cintas ambientadas en Arizona Categoría:Cintas ambientadas en Bisbee (Arizona) Categoría:Cintas ambientadas en 1884 Categoría:Cintas con banda sonora orichinal de Marco Beltrami Categoría:Cintas con dirección de fotografía de Phedon Papamichael Categoría:Cintas con guión de Derek Haas Categoría:Cintas con guión de Halsted Welles Categoría:Cintas con guión de Michael Brandt Categoría:Cintas con montache de Michael McCusker Categoría:Cintas de cine de drama Categoría:Cintas de western Categoría:Cintas d'Estaus Unius Categoría:Cintas dirichidas por James Mangold Categoría:Cintas en anglés Categoría:Cintas en chinés Categoría:Cintas en Panavision Categoría:Cintas interpretadas por Alan Tudyk Categoría:Cintas interpretadas por Ben Foster Categoría:Cintas interpretadas por Christian Bale Categoría:Cintas interpretadas por Dallas Roberts Categoría:Cintas interpretadas por Forrest Fyre Categoría:Cintas interpretadas por Gretchen Mol Categoría:Cintas interpretadas por Johnny Whitworth Categoría:Cintas interpretadas por Kevin Durand Categoría:Cintas interpretadas por Lennie Loftin Categoría:Cintas interpretadas por Logan Lerman Categoría:Cintas interpretadas por Luke Wilson Categoría:Cintas interpretadas por Peter Fonda Categoría:Cintas interpretadas por Russell Crowe Categoría:Cintas interpretadas por Vinessa Shaw Categoría:Cintas producidas por Cathy Konrad Categoría:Cintas rodadas en Abiquiú Categoría:Cintas rodadas en Arizona Categoría:Cintas rodadas en Clifton (Arizona) Categoría:Cintas rodadas en Galisteo (Nuevo Mexico) Categoría:Cintas rodadas en Los Angeles Categoría:Cintas rodadas en Nuevo Mexico Categoría:Cintas rodadas en Safford (Arizona) Categoría:Cintas rodadas en Santa Fe (Nuevo Mexico)