Iste articlo ye sobre una cinta de cine de western estausunidense estrenada l'anyo 2003; ta atros usos, se veiga Open Range.
Open Range (títol orichinal en anglés, en aragonés Pasturas libres, estrenada en Aragón con o suyo títol orichinal) ye una cinta de cine estausunidense de cine de western dramatico y romantico estrenada l'anyo 2003, dirichida por Kevin Costner seguntes un guión adaptau por Craig Storper (basau en The Open Range Men, una novela publicada por Lauran Paine en l'anyo 1990), con una banda sonora orichinal de Michael Kamen, una dirección de fotografía de J. Michael Muro y una producción cinematografica de Kevin Costner, Jake Eberts y David Valdes ta las productoras Touchstone Pictures, Beacon Communications y Tig Productions. Conta con un elenco d'actors d'o cual en fan parte, entre d'atros, Robert Duvall, Kevin Costner, Annette Bening, Michael Gambon, Michael Jeter, Diego Luna, James Russo, Abraham Benrubi, Dean McDermott, Kim Coates, Herbert Kohler Jr., Peter MacNeill, Cliff Saunders, Patricia Stutz, Julian Richings, Ian Tracey y Rod Wilson.
"Boss" Spearman ye un ganadero que conduz o suyo vacumen en 1882 en Montana a traviés de territorios de pasturas libres, aduyau por os suyos treballadors Charley Waite, Mose y Button. Charley ye un antigo soldau de l'exercito estausunidense mientres a Guerra Civil d'os Estaus Unius que ye acorau por a suya partecipación en mortaleras de soldaus y civils enemigos cuan feba parte d'una unidat de guerrilleros. Boss ninvía a Mose a un lugar amanau ta comprar-ie birolla, pero qui domina lo lugar ye Denton Baxter, un despiadau immigrant irlandés que odia a los vaqueros en veyer-se obligau por a lei a permitir que los rabanyos de vacas pasturen as suyas tierras, y Mose se veye atacau por hombres de Baxter y inchustament engarcholau amás por Poole, lo corrupto "sheriff" d'o lugar. Boss y Charley a la fin marchan en busca de Mose y en sacar-lo d'a garchola y veyer a gravedat d'as suyas feridas el levan enta lo medico d'o lugar, Barlow, aduyau por Sue, qui suposan que ye su muller, encara que Charley se siente atrayiu por ella. Ixa nueit os vaqueros padeixen un ataque pero consiguen fer reblar a los atacants, encara que Button tamién queda grieument feriu. El levan enta lo medico y capturan (con l'aduya de Percy, lo solo habitant d'o lugar que no ye pogoso de Baxter) a lo "sheriff" y a los suyos aduyants, zarrando-los en a suya propia garchola. Charley descubre que Sue no ye la muller d'o medico, so que la suya filla, y li declara lo suyo amor, que ye correspondiu. Tanimientres, Charley, Boss y Percy han de luitar con os hombres de Baxter.
A cinta s'ambienta en 1882 en Montana; y las suyas escenas se filmoron en Calgary, Longview, Morley y atros lugars d'Alberta en Canadá. Localizacions d'Open Range, en Internet Movie Database.
Se tracta d'una cinta que ha recibiu bels premios y nominacions, encara que garra d'éls no perteneixe a lo conchunto de premios mas conoixius u destacaus d'o panorama cinematografico internacional.
Elenco Open Range en Internet Movie Database. Actor Papel Notas ''''
Se veiga tamién Cine en 2003. Cintas de 2003.
Referencias
Vinclos externos Open Range en Internet Movie Database. Open Range en Rotten Tomatoes. Open Range en Box Office Mojo.
Categoría:Cintas ambientadas en Montana Categoría:Cintas ambientadas en 1882 Categoría:Cintas con banda sonora orichinal de Michael Kamen Categoría:Cintas con dirección de fotografía de J. Michael Muro Categoría:Cintas con guión de Craig Storper Categoría:Cintas con montache de Miklos Wright Categoría:Cintas de cine de drama Categoría:Cintas de cine de romance Categoría:Cintas de western Categoría:Cintas d'Estaus Unius Categoría:Cintas dirichidas por Kevin Costner Categoría:Cintas en anglés Categoría:Cintas en Kodakvision Categoría:Cintas en Panavision Categoría:Cintas en Technicolor Categoría:Cintas interpretadas por Abraham Benrubi Categoría:Cintas interpretadas por Annette Bening Categoría:Cintas interpretadas por Cliff Saunders Categoría:Cintas interpretadas por Dean McDermott Categoría:Cintas interpretadas por Diego Luna Categoría:Cintas interpretadas por Herbert Kohler Jr. Categoría:Cintas interpretadas por Ian Tracey Categoría:Cintas interpretadas por James Russo Categoría:Cintas interpretadas por Julian Richings Categoría:Cintas interpretadas por Kevin Costner Categoría:Cintas interpretadas por Kim Coates Categoría:Cintas interpretadas por Michael Gambon Categoría:Cintas interpretadas por Michael Jeter Categoría:Cintas interpretadas por Patricia Stutz Categoría:Cintas interpretadas por Peter MacNeill Categoría:Cintas interpretadas por Robert Duvall Categoría:Cintas interpretadas por Rod Wilson Categoría:Cintas producidas por David Valdes Categoría:Cintas producidas por Jake Eberts Categoría:Cintas producidas por Kevin Costner Categoría:Cintas rodadas en Alberta Categoría:Cintas rodadas en Calgary Categoría:Cintas rodadas en Longview (Alberta) Categoría:Cintas rodadas en Morley (Alberta)