Iste ye un articlo d'una cinta estausunidense de drama d'aventuras historicas epicas estrenada en l'anyo 1962; ta atros usos, se veiga Mutiny on the Bounty.

Mutiny on the Bounty (títol orichinal en anglés, en aragonés Motín en a Bounty, estrenada en Aragón con o títol de Rebelión a bordo) ye una cinta de cine estausunidense de cine de drama d'aventuras historicas epicas estrenada l'anyo 1962, dirichida por Lewis Milestone seguntes un guión adaptau por Charles Lederer (basau en a novela Mutiny on the Bounty, que heban publicau Charles Nordhoff y James Norman Hall en l'anyo 1932 y que a la vegada yera basada en feitos reals), con una banda sonora orichinal de Bronisław Kaper, una dirección de fotografía de Robert L. Surtees y una producción cinematografica d'Aaron Rosenberg ta la productora cinematografica Arcola Pictures. Fan parte de l'elenco d'actors d'a cinta Marlon Brando, Trevor Howard, Richard Harris, Hugh Griffith, Richard Haydn, Tarita, Tim Seely, Percy Herbert, Gordon Jackson, Noel Purcell, Duncan Lamont, Chips Rafferty, Ashley Cowan, Eddie Byrne, Keith McConnell y Frank Silvera, entre d'atros.

En 1787 o barco HMS Bounty, d'a Royal Navy, marcha dende Anglaterra enta Tahiti baixo lo mando d'o capitán William Bligh, con a misión de recullir-ie eixemplars de l'árbol d'o pan ta posteriorment levar-los enta Chamaica, con a finalidat d'estar una birolla barata destinada a alimentar a los esclavos d'as plantacions de zucre de dita colonia britanica. Bligh ye experimentau y competent, pero a la vegada tamién ye arrogant y desdenyoso con a suya tripulación, estando amás obsesionau con cumplir a suya misión por dencima de tot y sin importar o pre. As suyas formas de tractar a la tripulación poquet a poquet el fan topar con o suyo segundo, lo tenient Fletcher Christian, con discusions mesmo por o camín a seguir, cuan Bligh decide trescruzar o perigloso cabo d'Hornos y no lo consiguen, culpando Bligh a la inexperiencia d'a tripulación. O feito de marchar como ruta alternativa enta l'oceano Indico els fa perder tiempo, ta desespero de Bligh. Malas que plegan enta Tahiti os tripulants confraternizan con as mullers d'a isla, con una concepción bien diferent d'a sexualidat que la richida moral britanica de Blight, y cuan o tenient Fletcher se relaciona con Mauatua, a filla d'o rei Pōmare I, apareixen nuevas tensions, que augmentan cuan en prohibir Bligh ixos contactos o rei se queixa de que se fa de menos a su filla en refusar-la. Os niervos de Blight augmentan tamién en conoixer que por a biolochía de l'árbol d'o pan han d'asperar bel tiempo antes de poder arrancar árbols ta trasplantar-los ta lo viache. Bels miembros d'a tripulación preban de desertar, pero Christian els persigue y captura, ordenando Blight que s'encadenen. Blight aplena lo barco con plantas, reducindo ta ixo l'augua dulce que lo barco puet transportar y augmentando lo consumo ta subsistencia d'os árbols, con a cual cosa bien luego se reduz a lo minimo l'augua a disposición d'a tripulación, que padeixe una gran set. A la fin esclata una baralla entre Christian y Blight, en a cual o primero asume lo mando d'o barco y fa fuera en una chalupa a lo capitán y a los oficials y mariners que el refirman. Dimpués torna enta Tahiti y marcha, con bellas mullers d'a isla y bels nativos, en busca de bella isla a on vivir-ie, luent d'as posible represalias. A la vegada, Blight y lo suyo grupo tornan enta Anglaterra, a on se i fa un chudicio ta investigar as causas d'o pierde d'o suyo barco.

A cinta s'ambienta en 1787 en Anglaterra, en l'oceano Atlantico, en l'oceano Indico, en l'oceano Pacifico y en Tahiti en l'actual Polinesia Francesa. As suyas escenas se filmoron en a Polinesia Francesa (Bora Bora, Moorea y Tahiti) y en Hawaii (incluyindo-ie Honolulu) y puestos de California (incluyiendo-ie Santa Barbara) en os Estaus Unius, amás d'en os Metro-Goldwyn-Mayer Studios y los Hal Roach Studios en Culver City (California). Localizacions de Mutiny on the Bounty, en Internet Movie Database.

Mutiny on the Bounty ye una cinta que ha recibiu cuantos premios y nominacions, en destacando siete nominacions a los Premios Oscar (Millor Cinta, Millor Dirección Artistica en Color, Millor Fotografía en Color, Millor Montache, Millor Banda Sonora Orichinal, Millor Canción Orichinal y Millors Efectos Visuals) en 1963 mientres a 35ena edición de ditos premios; u dos nominacions a los Premios Globos d'Oro (Millor Cinta Dramatica y Millor Actriz Segundaria) ixe mesmo anyo mientres a 20ena edición d'os Premios Globos d'Oro.

Elenco Mutiny on the Bounty en Internet Movie Database. {|class="wikitable sortable" style="font-size: 90%;"

! style="background:#ABD2D0;" | Actor ! style="background:#ABD2D0;" | Papel ! style="background:#ABD2D0;" | Notas

| ''

Se veiga tamién Cine en 1962. Cintas de 1962.

Referencias

Vinclos externos

Mutiny on the Bounty en Internet Movie Database. Mutiny on the Bounty en l'American Film Institute Catalog de l'American Film Institute''. Mutiny on the Bounty en Box Office Mojo. Mutiny on the Bounty en Rotten Tomatoes.

Categoría:Cintas ambientadas en Anglaterra Categoría:Cintas ambientadas en l'oceano Atlantico Categoría:Cintas ambientadas en l'oceano Indico Categoría:Cintas ambientadas en l'oceano Pacifico Categoría:Cintas ambientadas en a Polinesia Francesa Categoría:Cintas ambientadas en 1787 Categoría:Cintas con aduya de dirección de Ridgeway Callow Categoría:Cintas con banda sonora orichinal de Bronisław Kaper Categoría:Cintas con casting d'Irene Howard Categoría:Cintas con dirección artística de George W. Davis Categoría:Cintas con dirección artística de J. McMillan Johnson Categoría:Cintas con dirección de fotografía de Robert L. Surtees Categoría:Cintas con disenyo de vestuario de Moss Mabry Categoría:Cintas con escenografía de Henry Grace Categoría:Cintas con escenografía de Hugh Hunt Categoría:Cintas con guión de Charles Lederer Categoría:Cintas con maquillache de John Truwe Categoría:Cintas con maquillache de William Tuttle Categoría:Cintas con montache de John McSweeney Jr. Categoría:Cintas con peluquería de Mary Keats Categoría:Cintas con soniu de Franklin Milton Categoría:Cintas con soniu de Milo B. Lory Categoría:Cintas con soniu de Van Allen James Categoría:Cintas de cine d'aventuras Categoría:Cintas de cine de drama Categoría:Cintas de cine epico Categoría:Cintas de cine historico Categoría:Cintas d'Estaus Unius Categoría:Cintas dirichidas por Lewis Milestone Categoría:Cintas d'a productora Arcola Pictures Categoría:Cintas en anglés Categoría:Cintas en francés Categoría:Cintas en neerlandés Categoría:Cintas en polinesio Categoría:Cintas en Technicolor Categoría:Cintas interpretadas por Ashley Cowan Categoría:Cintas interpretadas por Chips Rafferty Categoría:Cintas interpretadas por Duncan Lamont Categoría:Cintas interpretadas por Eddie Byrne Categoría:Cintas interpretadas por Frank Silvera Categoría:Cintas interpretadas por Gordon Jackson Categoría:Cintas interpretadas por Hugh Griffith Categoría:Cintas interpretadas por Keith McConnell Categoría:Cintas interpretadas por Marlon Brando Categoría:Cintas interpretadas por Noel Purcell Categoría:Cintas interpretadas por Percy Herbert Categoría:Cintas interpretadas por Richard Harris Categoría:Cintas interpretadas por Richard Haydn Categoría:Cintas interpretadas por Tarita Categoría:Cintas interpretadas por Tim Seely Categoría:Cintas interpretadas por Trevor Howard Categoría:Cintas producidas por Aaron Rosenberg Categoría:Cintas rodadas en Bora Bora Categoría:Cintas rodadas en California Categoría:Cintas rodadas en Culver City Categoría:Cintas rodadas en Hawaii Categoría:Cintas rodadas en Honolulu Categoría:Cintas rodadas en a Polinesia Francesa Categoría:Cintas rodadas en Santa Barbara (California) Categoría:Cintas rodadas en os Hal Roach Studios Categoría:Cintas rodadas en os Metro-Goldwyn-Mayer Studios Categoría:Nominadas a lo Premio Globo d'Oro a la Millor Cinta Dramatica Categoría:Nominadas a lo Premio Oscar a la Millor Cinta