O porro u sep (), tamién dito babosa, ye una especie de fongo d'o chenero Boletus y d'a familia Boletaceae.
Descripción Ye una seta que puet plegar a tener una grandaria notable; por un regular o sombrero puet medir de 7 a 20 cm de diametro y o piet plegar ta a mesma altaria. Gosa confundir-se con Tylopilus felleus u con Boletus badius. O suyo cuerpo fructifero tien un gran tapón marrón que en ocasions puet plegar ta os 30 cm, rarament 40 cm de diametro y 3 kg de peso. Igual que atros potrecons, tien tubos que s'estendillan enta abaixo dende a parti inferior d'a tapa, en cuentas de branquias; as esporas eslampan en a madurez a traviés d'as ubriduras d'os tubos, u poros. A superficie d'os poros d'o cuerpo d'o fruito de B. edulis ye blanquinyosa cuan ye choven, pero cuan se fa viella torna ta una color sorenya. O robusto estipite, u tallo, ye de color blanca u amarillenca, de dica 20 cm, rarament 30 cm d'alto y 10 cm de gordo, y parcialment cubierto con un patrón de rete en relieu, u reticulau.
Distribución Se troba amplament distribuyiu por l'hemisferio norte d'Europa, Asia y America d'o Norte, no se troba de manera natural en l'hemisferio sud, encara que s'ha introduciu en o sud d'Africa, Australia, Nueva Zelanda y Brasil. D'antis mas se pensaba que cuantos potrecons europeus estreitament relacionaus yeran variedaz u formas de B. edulis, encara que s'ha demostrau por meyo de l'analisi d'a filochenia molecular que son especies diferents, y atras clasificadas anteriorment como especies deseparadas son conespecificas con ista especie. A especie occidental d'America d'o Norte Boletus edulis var. grandedulis ye una variant gran y de color mas fosco identificada formalment por primera vegada en 2007.
Referencias
Edulis Categoría:Fongos d'os Pireneus