A malva de puerto u malviella (), tamién dita malva basta, ye una especie de planta d'o chenero Malva y d'a familia Malvaceae.
Descripción Malva moschata ye una planta herbacia perenne que se desarrolla en a zona 3 (no aguanta as cheladas, ni as condicions de sequera). Ista planta plega ta una altaria de 20 a 60 cm y as suyas fuellas superiors son palmitiformes. Floreixe entre chulio y agosto, y as simients maduran entre agosto y septiembre.
As suyas flors son hermafroditas (tienen organos masculinos y femeninos). Tien d'una a tres floracions. As flors son blancas u de color rosa suave y fan ulor como a nuez moscada. Os cinco petalos son de 2 a 2,5 cm de largaria y con sepals sencillos u dobles, presentan bracteolas lanceoladas. Son polinizadas por abellas, encara que tamién se pueden autopolinizar.
O fruito ye una capsula (esquizocarpo) formada por cuantos mericarpos (partes que se deseparan en madurar y que contienen una unica simient). O fruito s'ixemena por a gravedat, cayendo ta o sulero cuan madura.
Habitat y distribución Malva moschata s'estima mas de suleros lucheros (arenosos), meyos (salagonudos) y pesaus (d'archila) y requiere o sulero bien desengaronau. A planta prefiere suleros alcalinos (y no os acidos), neutrofilos y basicos. Puet creixer en a semi uembra (arbolau luchero) u a lo sol fitero, pero requiere sulero humedo. A planta tolera bien os vientos cerenyos pero no a cerqueza d'a mar.
Planta muit abundant en terrenos de hierbazals, praderas de pastos, marguins de camins etc. Europa ye o suyo puesto d'orichen, y se troba dende o sud d'Anglaterra dica o norte d'Africa.
Referencias
Moschata Categoría:Flora d'Africa Categoría:Flora d'Europa Categoría:Flora d'os Pireneus