L'albardero d'o norte u resisallero () ye una especie de muixón d'o chenero Saxicola y d'a familia Muscicapidae propia d'Eurasia y Africa. Ye una especie migratoria insectivora que se reproduce en pastizals u hierbazals no cautivaus d'Europa y l'Asia palearctica occidental, y pasa l'hibierno en Africa. Fa lo niedo en as canyetas.
Descripción L'albardero d'o norte ye pareixiu en grandaria a o papirroi (Erithacus rubecula). Os dos sexos tienen a rabadeta amarillenca y a coda blanca con una banda terminal negra. O masclo en verano tien as partis superiors pardiscas, a garganta anteada, os costaus d'o tozuelo negrencos. Tien una lista superciliar intensament blanca. Tien tacas blancas en as alas. A fembra tien os costaus d'o tozuelo castanyos, a cella anteada y sin de tacas blancas en as alas.
O masclo tien un canto siulo crepitant. O suyo clamau ye un soniu "chac" tipico d'albardero u una chiflada suau.
Ista especie representa una diverchencia prou basal d'o chenero Saxicola (Wink et al. 2002).
Bibliografía BirdLife International. 2016. Saxicola rubetra. The IUCN Red List of Threatened Species. Version 2016.3. Acceso: 14 de enero de 2017. Wink, M.; Sauer-Gürth, H. & Gwinner, E. (2002): Evolutionary relationships of stonechats and related species inferred from mitochondrial-DNA sequences and genomic fingerprinting. British Birds 95: 349-355. Texto completo PDF
Referencias
Rubetra Categoría:Fauna d'Africa Categoría:Fauna d'Asia Categoría:Fauna d'Europa Categoría:Fauna d'os Pireneus