Lee Grant (nombre artistico de Lyova Haskell Rosenthal), naixida de Nueva York (Nueva York, Estaus Unius) o 31 d'octubre de 1925, ye una antiga actriz y directora cinematografica estausunidense dende primerías d'os anyos 1930 dica primerías d'os anyos 2020, con cuantos premios y nominacions recibius mientres a suya luenga carrera cinematografica. Ye la mai de l'actriz Dinah Manoff.
D'entre la suya ampla filmografía como actriz, pueden mencionar-se bellas cintas a on i interpretó, como Detective Story (1951, William Wyler), Middle of the Night (1959, Delbert Mann), In the Heat of the Night (1967, Norman Jewison), Marooned (1969, John Sturges), Shampoo (1975, Hal Ashby), Airport '77 (1977, Jerry Jameson), Damien – Omen II (1978, Don Taylor), Charlie Chan and the Curse of the Dragon Queen (1981, Clive Donner), The Big Town (1987, Ben Bolt), Dr. T & the Women (2000, Robert Altman), Mulholland Drive (2001, David Lynch), u Going Shopping (2005, Henry Jaglom).
Premios Premios Oscar En 1952, mientres a 24ena edición d'os Premios Oscar, Lee Grant recibió una nominación a lo Premio Oscar a la Millor Actriz Segundaria por o suyo papel de "ladrona de botiga" en a cinta Detective Story dirichida por William Wyler. En l'anyo 1971, en a 43ena edición d'os Premios Oscar por a suya interpretación de "Joyce Enders" en a cinta The Landlord, dirichida por Hal Ashby, y tornó a recibir una tercera nominación a lo mesmo premio en l'anyo 1977 en a 49ena edición por o suyo papel de "Lili Rosen" en Voyage of the Damned, dirichida por Stuart Rosenberg. Tanimientres, sí, que heba ganau ista mesma categoría d'os Premios Oscar en l'anyo 1976, en a 48ena edición d'os Oscars por o suyo papel de "Felicia Karpf" en a cinta Shampoo, dirichida por Hal Ashby.
Premios Globos d'Oro Lee Grant, mientres a suya carrera artistica, recibió un total de cinco nominacions a lo Premio Globo d'Oro a la Millor Actriz Segundaria: en 1952 mientres a 9ena edición d'os Premios Globos d'Oro por o suyo papel de "ladrona de botiga" en a cinta Detective Story dirichida por William Wyler; en 1968 en a 25ena edición por o papel de "Leslie Colbert" en In the Heat of the Night, cinta dirichida por Norman Jewison; en 1971 (21ena edición) por o papel de "Joyce Enders" en a cinta The Landlord, dirichida por Hal Ashby; en 1976 (33ena edición) por o papel de "Felicia Karpf" en a cinta Shampoo, dirichida por Hal Ashby; y 1977 (34ena edición) por o suyo papel de "Lili Rosen" en Voyage of the Damned, dirichida por Stuart Rosenberg.
Filmografía Lee Grant en Internet Movie Database. Cintas Anyo Títol d'a cinta Director Banda sonora Elenco Atros [ ''''] en Internet Movie Database.
Series de televisión Serie Anyo Episodio Director Elenco Atros<ref> [ ''] en Internet Movie Database.</ref> | | '' [ ''''] en Internet Movie Database.
Referencias
Se veiga tamién Cintas interpretadas por Lee Grant.
Vinclos externos
Lee Grant en Internet Movie Database.
Categoría:Actrices d'Estaus Unius Categoría:Directors cinematograficos d'Estaus Unius Categoría:Naixius de Nueva York Categoría:Nominadas a lo Premio Globo d'Oro a la Millor Actriz Segundaria Categoría:Nominadas a lo Premio Oscar a la Millor Actriz Segundaria Categoría:Premio Oscar a la Millor Actriz Segundaria Categoría:1925 (naixencias)