A breca de Roldán Toponimos oficials de l'Alto Galligo en www.lenguasdearagon.org (Brèche de Roland en francés, Brecha de Rolando en castellano) ye un cuello estreito situato en o macizo d'as Tres Serols, entre Aragón (Ordesa) y o Biarn (Gavarnie). Ye a muga entre o Parque Nacional d'Ordesa y d'as Tres Serols y o Parque Nacional d'os Pireneus.
Diz a lechenda que Roldán, caballero de Carlos Magno, fuyiba d'os musulmans dezaga d'a redota que tenioron os exercitos francos en Roncesvals cuan tornaban de Zaragoza. Ferito de muerte, quereba tornar ta la suya patria, Francia y consiguió plegar ta Ordesa. Un muro de piedra y chelo le deseparaba d'o suyo país. Roldán allora prenió a suya espata, Durendart y la arrulló contra ixe muro. A espata dimpués de recorrer bels mils de metros enta lo cinglo, lo trescruzó, fendo-ie un gran forato en meyo. D'ista traza os uellos de Roldán podioron veyer o suyo país por zaguera vegata antis de morir. Tamién tornó ta Francia a suya alma, que simbolicament pa un guerrero ye en a espata.
Se troba atros toponimos formatos con a base pareixita "breca" en masculín en os Alpes, como brec en occitán (Brec de Chambeyron), y bric en arpitán y piemontés (Bric Rosso).
Se veiga tamién Salto de Roldán.
Referencias
Roldan Roldan Roldan Breca de Roldan Categoría:Mitolochía aragonesa Categoría:Ciclo carolinchio Roldan Roldan Categoría:Parque Nacional d'os Pireneus