Galvesaurus herreroi ye a unica especie conoixida d'o chenero extinto Galvesaurus ("engardaixo de Galv"). Ye un dinosauro sauropodo macronario, que vivió en zaguerías d'o periodo Churasico, fa alto u baixo 147 millons d'anyos, en o Titoniense, en lo que hue ye Europa.
Descripción Galveosaurus ye un sauropodo pareixiu a Cetiosaurus y a Barapasaurus, pero mas enantau. Yera de grandaria meya, pa un sauropodo, con 16 metros de largaria, 4 d'altaria y un peso calculau de 9 toneladas. Galveosaurus fue inicialment asignau a l'enigmatico clado Turiasauria, creyau pa contener un grupo d'eusauropodos europeus que no i dentraban en atros grupos. Pareixe que conservan muitas caracteristicas basals pero amostrando una evolución deseparada d'atras linias de sauropodos.
Descubrimiento y investigación Mientres a decada de 1980, un puesto de fósils conoixiu como a Cuesta Lonsal, amán de Galv, Teruel, Aragón, fue escavau por o cazataire local de fósils aficionau José María Herrero dimpués de trobar as restas fosilizadas d'un dinosauro sauropodo. A Universidat de Zaragoza y o Gubierno d'Aragón encargoron a os miembros d'un equipo d'investigación cientifica conoixiu como "Aragosaurus" que investigara o puesto en 1987. Determinoron que o puesto sería important pa a investigación paleontolochica y, dimpués d'obtener os permisos necesarios, prencipioron a suya excavación propia en 1993. Entre 1993 y 2002, obtenioron mas de 50 uesos asociaus con una nueva especie de sauropodo.
Tamién por ixas envueltas, cuantos miembros de l'equipo publicoron informes cientificos sobre os huesos que yeran recuperando y en o mesmo puesto, encara que se guardoron de publicar un nombre formal pa o nuevo dinosauro debiu a que os fósils encara yeran en preparación. A mida que os uesos yeran prestos y estudiaus, l'equipo los transfirió a o chicot Museu Paleontolochico de Galv pa a suya exhibición.Canudo, J.I. (2006). "Galvesaurus-Galveosaurus"
Nombre Iste dinosauro debe o suyo nombre a la localidat teruelana de Galv por encontrar-se astí, en a formación Villar del Arzobispo, os suyos fósils Llega el nuevo dinosaurio Galvesaurus herreroi. Aragosaurus.com.. O descubrimiento lo fació José María Herrero y por ixe motivo a especie leva o suyo nombre. As restas trobadas incluyen dos humeros, a espineta, una escapula, un isquion, una vertebra cervical, una dorsal-caudal y 5 caudals, un cheurón y fragmentos de costiellas. "Galveosaurus herreroi, a new sauropod dinosaur from Villar del Arzobispo Formation (Tithonian-Berriasian) of Spain". B. Sánchez-Hernández. Zootaxa, 2005. Vol. 1034. Pach. 1–20.
Paleobiolochía En a formación Villar del Arzobispo, amás d'as restas d'ista especie, s'han trobau uesos y icnitas d'atros sauropodos, teropodos y ornitopodos. Amás o Losillasaurus fue descubierto a nomás 80 km de Galv y a suya edat pareixida a la d'o Galveosaurus. Un nuevo dinosaurio saurópodo, Galvesaurus herreroi gen. nov., sp. nov., del tránsito Jurásico-Cretácico en Galve (Teruel, NE de España). J.I. Barco, J.I. Canudo, G. Cuenca-Bescós, J.I. Ruíz-Omeñaca. Naturaleza Aragonesa, 2005. Vol. 15. Pach. 4–17.
Referencias
Enlaces externos
Galvesaurus adintro d'Eusauropoda en The Thescelosaurus Ficha y imachen d'oo Galvesaurus en Dinosaurier-Web
Categoría:Dinosauros d'Aragón Categoría:Dinosauros d'o Churasico Categoría:Legendark Categoría:Macronaria Categoría:Sauropoda Categoría:Organismos fósils descritos en Aragón