Oblitosaurus bunnueli (literalment "engardaixo oblidau de Buñuel") ye a unica especie conoixida d'o chenero extinto Oblitosaurus. Ye un dinosauro ornitopodo anquilopolexiano, que vivió en zaguerías d'o periodo Churasico, fa alto u baixo entre 150 y 145 millons d'anyos, dende o Kimmeridgiense dica o Titoniense, en lo que hue ye Europa.
Descripción thumb|left|Comparación de grandaria d'Oblitosaurus y un humán. S'ha estimau que Oblitosaurus mediba entre 6 y 7 metros de largaria, mas gran que os suyos parients amanaus Camptosaurus y Draconyx. Isto lo converte en l'ornitopodo mas gran conoixiu en Europa en o Churasico Tardano.
Descubrimiento y investigación Fue trobau en a formación Villar del Arzobispo d'o Churasico Tardano d'Aragón. Os especímens tipo d'Oblitosaurus consisten en un dient d'o dentario, CPT-1440, un pollex ungual, o espolón d'o dido gordo d'a man, d'a man ezquierda, CPT-1444, y una extremidad zaguera ezquierda cuasi completa, MAP-8290 a MAP-8299. Grans huellas d'a mesma zona tamién pueden perteneixer a iste taxón. Amás d'Oblitosaurus, a formación Villar del Arzobispo tamién produció restas de muitos atros animals, incluido-ne un ornitopodo distinto pareixiu a Camptosaurus conoixiu por as vertebras, un estegosauriano pareixiu a Dacentrurus, y cuantos sauropodos, como Turiasaurus, Losillasaurus, Galvesaurus y Aragosaurus.
As restas esqueleticas fuoron identificadas como perteneixients a un nuevo chenero y especie d'ornitopodo, Oblitosaurus bunnueli, en 2023. O nombre chenerico, Oblitosaurus, proviene d'o latín oblitus, que significa "obsoleto" u "oblidau", y d'o griego "sauros", que significa "engardaixo", en referencia a que os suyos fósils estioron os zaguers que se troboron en o puesto a on fuoron trobaus. O nombre especifico, bunnueli, fa honor a o cineasta aragonés Luis Buñuel.
Clasificación Sánchez-Fenollosa et al. en 2023 ficoron a Oblitosaurus en un analís filochenetico y descubrioron que yera un anquilopollexiano basal como taxón chirmán de Draconyx, formando un clado anquilopollexiano europeu desconoixiu en America d'o Norte. Amás, o suyo analís tamién refirma una monofilia de Camptosaurus, amostrando por primera vegada todas as especies asignadas a iste en un solo clado.
Referencias
Categoría:Dinosauros d'Aragón Categoría:Dinosauros d'o Churasico Categoría:Legendark Categoría:Iguanodontia