Atón, con o significau de "tot" u "completo", ye un Dios d'a Mitolochía echipciana considerau como lo dador de vida y enerchía, simbolizando la luz d'o sol y la fuerza vital. Ye representau como lo disco solar con rayos de luz enta baixo que da vida y enerchía a tot l'existent.
Mientres lo transcurso d'o reinau d'o faraón Aquenatón, se instauró lo atonismo, que consistiba en lo culto a Atón venerando-lo como divinidat sola y exclusiva, ye decir, una relichión con una base monoteísta, deixando a la resta d'o panteón egipcio difuera de tot culto estando lo propio faraón l'intermediario con o dios. Lo mesmo faraón cambió lo suyo nombre de Amenophis IV ta Aquenatón, pa reafirmar-se como intermediario y fillo d'este.
Lo culto a Atón thumb|Estela del templo de Atón, el culto monoteísta del Sol promovido por Akenatón en trobada Amarna (1352-1336 a. C.).
Lo culto a Atón ye conoixiu desde lo Imperio Nuevo d'Egipto, Tutmosis IV y Amenhotep III le heban rendido veneración, convertindo-se en culto monoteísta, u preferentment henoteísta, mientres la reforma relichiosa d'o faraón Amenhotep IV (Amón ye satisfeito), cambió lo suyo nombre per lo de Aquenatón ("Resplandor de Atón" u "fer honra a Atón"), en o sieglo XIV aC.
Lo suyo prencipal templo yera en a ciudat de Ajetatón "('Horizont de Atón"), en l'actual ciudat de Amarna. Lo Himno a Atón, gravau en un muro d'a fuesa de Ai, y escrito per Aquenatón, ye un d'os mas bellos exponentes literarios d'a cultura echipciana.
Cuan s'estudeya en profundidat la nueva relichión, lo primero que s'observa ye una luita obstinada per no deixar-la exclusivament en mans d'os sacerdotes. Nomás existe un maximo representant d'a mesma: lo faraón en fer-se clamar sumo sacerdote.
Gran parte d'o clero, en perder los suyos privilechios, s'oposó a lo culto preferent a Atón y los echipcios siguioron venerando a los suyos antigos dioses pa pedir-les protección d'as malotías u la resolución d'as suyas necesidaz. Se trató de crear un nuevo culto mas sencillo pero no deixó d'estar mas abstracto y intelectual.
Dimpués d'a muerte de Aquenatón se tornó gradualment a la situación anterior y posteriorment, s'abandonó y mientres l'ascensión d'a Dinastía XIX, se pretendió borrar tot vestichio de l'aventura teocratica de Amarna.
Referencias
Vinclos externos
Categoría:Dioses echipcianos