O convento de Nuestra Sinyora d'a Consolación ye un conchunto conventual domenico d'o sieglo XVI situau en a localidat de Gotor y formau por una ilesia molimental y un claustro de planta cuadrada, adosau en o suyo costau meridional y que actúa como centro distribuyidor d'a resta d'as dependencias.
Descripción A ilesia tien cabecera recta, nau unica y capiellas entre os contrafuertes comunicadas entre sí. O presbiterio ye cubierto por una gran cupula que sinyala o puesto baixo o que sitúa o panteón familiar d'os Luna, motivo d'a construcción d'o convento. A portalada, de corte clasicista, s'ubre en o frent occidental y chunto a ella, en l'anglo sud-occidental, se devanta a torre campanal.
D'o claustro bellament se conservan os muros perimetrals y a rancada d'as vueltas de crucería d'as cruixías, pero se deduce que heba de seguir os esquemas habituals de distribución espacial d'ista mena de construccions.
O conchunto ye de gran grandaria y ye reyalizau en mampostería combinada con piedras de banco d'enfuerzo en os anglos, contrafuertes y bastidas d'os vanos.
Historia Fue feito construyir por Chaime Martínez de Luna en 1522.
Albandonado con a desamortización de Méndizabal de 1836, pasó a propiedat municipal, estando emplegau pa cuantas funcions mientres os sieglos XIX y XX.
En 2001 fue designau Bien d'Intrés Cultural (BIC). O suyo mal estau de conservación motivó a suya inclusión en a lista roya de patrimonio en periglo d'Hispania Nostra.
Referencias [Ficha en SIPCA
Categoría:Biens d'Intrés Cultural de l'Aranda Consolación de Gotor Consolación de Gotor Consolación de Gotor Zaragoza Categoría:Molimentos de Gotor