A torre d'o Pilaret de Santa Quiteria (en catalán torre del Pilaret de Santa Quitèria) ye una torre situada en en un altiplano a bels 5 km a o norte d'a localidat de Fraga (Cinca Baixa). "Tortosa i Terres de l'Ebre, Llitera i Baix Cinca". Catalunya Romànica. Pach. 308-310. Volumen XXVI. Enciclopèdia Catalana. Barcelona, 1997.
Descripción D'a torre en queda una base de piedra de mampostería y planta rectangular, y de bels 3 metres d'altaria, sobre a que se firman as restas d'uns muros de tapiau que plegan dica os 10 metros d'altaria. Istos muros, muit malmesos por o paso d'o tiempo, presentan uns foraus disposaus regularment, que se relacionan con as fustas que teneban os encofraus d'a tapia. A función d'a torre yera clarament esfensiva, ya que se'n conserva un foso de 3 metros de fondaria a o costau este, i amás i hai indicios de que teneba a puerta elevada como ye habitual en as torres d'esfensa.
En a suya redolada se troba o chacimiento iberico d'o Pilaret de Santa Quiteria, correspondient a un antigo poblau, y mas ta abaixo, a o costau d'o río Cinca, l'antiga villa romana de Villa Fortunatus.
Historia A suya datación no ye guaire clara, ya que practicament no i hai datos arqueolochicos ni documentals, y amás no i hai guaires torres mas con as que se pueda relacionar por tipolochía. S'han proposau datacions entre o sieglo XI y as torres de telegrafo optico d'o sieglo XVIII. Manimenos, pareixe que lo mas probable ye que a construcción orichinal siga d'epoca islamica, d'os tiempos de l'inicio d'a presión cristiana en o sieglo XII.
Referencias
Vinclos externos Ficha en a web d'o SIPCA
Categoría:Biens d'Intrés Cultural d'a Cinca Baixa Pilaret de Santa Quiteria Categoría:Molimentos de Fraga