Leonardo di Ser Piero da Vinci, naixiu d'Anchiano (Italia) lo 15 d'abril de 1452 y muerto en o castiello de Clos-Lucé (Francia) lo 2 de mayo de 1519, fue una persona polifacetica y multidisciplinar, abracando la suya labor muitas disciplinas bien diferents, entre ellas l'arquitectura, la escultura, a pintura, la incheniería, l'urbanismo, lo naturalismo, la musica, la poesia, la filosofía y la escritura entre d'atras, amás d'estar tamién inventor, ye decir, una personalifat propia de l'Humanismo renaixentista.
Disciplo d'o pintor florentín Andrea del Verrocchio, os suyos primers treballos importants s'escaicioron a lo servicio de Loís María Sforza, duque de Milán, en a ciudat de Milán, a capital d'o ducau, ta posteriorment treballar en cuantas ciudaz italianas, como Roma, Bolonya u Venecia, antis de marchar enta lo reino de Francia convidau por Francisco I, permanindo-ie ya ta cutio en ixa país dica la suya muerte.
Destacando mas que mas por o suyo treballo en o campo d'a pintura, entre las suyas obras cal destacar pinturas como Il Cenacolo (A zaguera Cena), A Gioconda u Monna Lisa, debuixos como l'Uomo vitruviano (Hombre de Vitruvio) y un autorretrato suyo. Seis codices (Codice Atlantico, Codice Leicester, Codices Madrit I-II, Codice Trivulzianus y lo Codice sul volo degli uccelli) a on se i troban gran parti d'os suyos estudios, inventos y descubrimientos.
En a suya honor estioron nombraus lo cráter lunar Da Vinci, lo cráter marciano Da Vinci y l'asteroide 3000 Leonardo.
Cuadros Imachen Anyo Títol Tecnica Tamanyo Conservau Atros175px 1503-1506 A Gioconda Olio sobre fusta de chopo 77 x 53 cm Museu d'o Louvre (París)
Galería d'imáchens
Vinclos externos
Galeria d'as pinturas de Leonardo da Vinci.
Categoría:Arquitectos d'Italia Categoría:Arquitectos d'o Renaiximiento Categoría:Escultors d'Italia Categoría:Escultors d'o Renaiximiento Categoría:Inventors d'Italia Categoría:Muertos en Clos-Lucé Categoría:Naixius d'Anchiano Categoría:Pintors d'Italia Categoría:Pintors d'o Renaiximiento Categoría:1452 (naixencias) Categoría:1519 (muertes)