La punta de LardanaTamién palatalizau como punta de Llardana. u tuca de Posets (oficialment Tuca de Posets / Punta de Lardana), ye una tuca aragonesa que, con os suyos 3.375 metros d'altaria, ye el segundo pico mas alto d'es Pireneus, dezaga de l'Aneto. Situada en a parti meya de la cordelera, en Grist (Vall de Benás, Uesca) ofreixe una anvista que la fa obchectivo deseyable ta muitos alpinistas. En a suya cima i hai un vértiz cheodesico.
Toponimia Pareixe que o nombre de Posets proviene d'unos pozos (pronunciau /posets/, en benasqués) que i hai en a suya versant septentrional. En chistabín li dicen "Lardana" y en benasqués igual, pero con la "l-" inicial palatalizada como "Llardana".
Primera puyada A primera puyada estió el 6 d'agosto de 1856, dimpués de l'Aneto. El primer alpinista que plegó ta la cima estió el britanico H. Halkett. Habrían de pasar cuasi vinticinco anyadas ta la primera puyada hibernal, que la facioron Roger de Monts y Célestin Passet.
Rota Reyal Ye a rota mes conoixida. Dende el puent d'Espiantosa (1.505 metros) en a vall de Benás, se puede ir-ie en 1h 45' dica el refuchio Ángel Orús (2095 m). Dende el refuchio s'ha de salir enta el nord-ueste por un camín muit bien sinyalau. En menos d'una hora se trescruza el torrent y s'arriba ta una pleta. Un poco mas enta alto el camín se bifurca. Agafando lo de la dreita se dentra a la Canal Fonda an cuasi tot l'anyo i hai chelo. Ye convenient levar crampons y piolet.
Dimpués de tres horas se ye a es piez d'el Dient de Lardana (a el cual se puede puyar). Continando por la cantaleta primero y por la crencha de bloques fácils dimpués, se plega a la tuca en unas 4 horas (dende el refuchio).
La baixada se fa por el mesmo camín en tres horas.
Notas
Vinclos externos En "Mendikat" Fuella d'o vértiz cheodesico
Lardana Lardana Lardana Lardana Lardana Lardana Lardana Categoría:Vertices cheodesicos d'Aragón Categoría:Macizo de Posets Categoría:Montanyas de Ribagorza Categoría:Montanyas de Sobrarbe