A gralla u grella (d'o latín medieval < gracŭla "cornella" Ana Leiva Vicén:Léxico aragonés de Antillón (Huesca). Análisis lingüístico (II). Alazet: Revista de Filología Nº 16, 2004, pp. 67-174, ISSN 0214-7602, (L., 1758)) ye un muixón d'a familia d'os corvidos de color negra de raso, con briluras metalicas en as plomas, distinguible d'altros animals d'a mesma familia per a marca ampla sin de plomas que es masclos tienen arredol d'o pico. Ye una d'as especies de corvidos mes estendillatas per Eurasia, plegando d'a frontera atlantica d'o continent enta as estepas de l'Altai.
As suyas midas van entre es 40 y es 48 cm de lonchitut, estando un poquet mes chica que no a cuerva. Unaltra d'as diferencias que fan con altros Corvidae ye a forma mes punchuda d'o suyo pico, especialment important perque las fembras, en no tener garra aria esplomada en a base d'o pico, se pareixen mes a altros muixons d'a familia.
A mes d'as garzas, as grallas son es corvidos que mes a sobén se puede veyer en as arias poblatas per o ser humán. Son animals d'una gran intelichencia, gosan de rechirar en a vasura en as ciudaz, y diz que conservan beluns d'es alimentos que cullen, especialment es fruitos secos (glans, fayetas, abillanas, etcetera.) adintro d'o fiemo ta aconservar-los mes frescament y per mes tiempos.
Mazadas Gralla en el puerto, güen tiempo; gralla en la ribera, viento u serenera. As grallas en a ribera, frío en a rallera. Les gralles per la ribera, u plluch u nevera. José Enrique Gargallo Gil:Los refranes meteorológicos en aragonés, en el marco de la paremiología románica, Alazet n°20, 2008, ISSN 0214-7602, p.11-31
Referencias
Vinclos externos
Grallata d'o Corvus frugilegus (Archivo de sonito) Videos de grallas, en o portal Internet Bird Collection (en anglés).
Frugilegus Categoría:Aus d'Aragón Categoría:Fauna d'Asia Categoría:Fauna d'Europa Categoría:Fauna d'Andorra