Iste articlo ye sobre a comarca catalana de l'Alta Ribagorza. Ta atros emplegos se veiga Ribagorza (desambigación).
L'Alta Ribagorza (en catalán Alta Ribagorça) ye una comarca pirenenca situata en Catalunya a lo sud d'a Val d'Aran, a l'ueste d'o Pallars Sobirán y a lo norte d'o Pallars Chusán. A ponient muga con a comarca homonima d'Aragón. A comarca la creyoron por lei l'anyo 1987, chunto con o Plan d'Urchel y lo Plan de l'Estanyo.
A suya población ye de 4.332 habitants (2008) en una superficie de 426,86 km², con una densidat de población de 10,15 hab/km².
Representa a mitat oriental d'a Val de Barrabés y vals secundarias que bi ha a l'este. Ye trestallata por os ríos Noguera Ribagorzana y Noguera de Tor (afluent d'o primero), que a trescruzan en l'adreza norte-sud.
A lo nord-este d'a comarca bi ha la parti occidental d'o Parque Nacional d'Aigüestortes i Estany de Sant Maurici.
A suya tuca mas alta ye o Coma lo Forno (3.030 metros d'altaria), en o macizo de Bessiberri.
Parla
Se i charra catalán ribagorzano pero con muitos menos aragonesismos que en a Ribagorza aragonesa y mes a mán d'o catalán cheneral. Como en la Val de Castanesa, bi ha muitos microtoponimos en aragonés como la mesma tuca Comaloforno (Coma (de) lo Forno), y concretament en la Vall de Boí: Furniello, Copiello, Els Sarradiells, Bertillo, Estallo, Pago y Vall de Llubriqueto. Como se puet veyer bi ha diftongacions d'a E curta latina en o sufixo latín -ELLU(M), contrastando con a luenga catalana actual d'a val (que no diftonga ixa E curta latina), por o que no son toponimos protorromances.
Demografía
Vinclos externos Pachina web d'o Consello d'a comarca. Información d'a Generalitat de Catalunya Información d'o Institut d'Estadística de Catalunya Información de Leida Sección de Comarcàlia adedicata a l'Alta Ribagora
Categoría:Comarcas de Catalunya Categoría:Comarcas que mugan con Aragón Categoría:Provincia de Leida