O Mar d'Aragón u entibo de Mequinenza (en catalán pantà de Mequinensa BOA ORDEN VMV/914/2020, de 14 de septiembre, por la que se publica el Acuerdo adoptado por el Gobierno de Aragón, en su reunión celebrada el día 15 de julio de 2020, por el que se aprueban las modificaciones del Nomenclátor Geográfico de Aragón.) ye un entibo d'o río Ebro situato en Aragón.
A construcción de l'entibo de Mequinenza, feita por concesión a la empresa ENHER d'aproveitamiento hidroeletrico integral d'un trampo d'o río Ebro en 1955, dió orichen a un gran entibo de 1530 hm³, con una longaria d'uns 110 km y unas "costas interiors" d'alto u baixo uns 500 km. A lamina d'augua en a cota maxima de 121 metros tien una superficie de 7.540 ha. A vaboración anyal ye de 80.000 millons de litros. Se entibó por primera vegata en aviento de 1965, inundando-sen 3.500 ha de huertas.
En a comarca d'o Baixo Aragón-Casp, son costers os municipios de Chiprana y Casp. Dende o prencipio s'entendió que yera un potent foco d'atracción turistica y as sociedaz de pescadors s'aprecisoron a organizar as suyas actividaz. En 1965 se deixoron en libertat 20.000 eixemplars de perca americana y 175.000 fizons de carpa royal. Estió o prencipio d'a gran riqueza piscicola actual. Se celebran no menos de 30 competicions a l'anyo, destacando o Campionato Nacional de Pesca y o Concurso Nacional de Ciprinidos "Autonomía d'Aragón", aintro d'as artes tradicionals, y diversos campionatos internacionals organizatos por Lake Casp ta a pesca d'o black bass, anque o mas destacato ye a pesca d'o siluro.
Arredol d'o Mar d'Aragón s'han establito tres urbanizacions residencials y cuantos clubs esportivos que organizan contino competicions d'esportes nauticos, vela, piragüismo, motonautica, habendo-ie una infraestructura cada vegata mas consolidata de puertos, embarcaders y instalacions de guardia y atención.
Referencias
Categoría:Entibos d'o río Ebro Categoría:Entibos d'a provincia de Zaragoza