Chipre (en griego: Κύπρος, Kypros; en turco: Kıbrıs) ye una isla d'a mar Mediterrania situada 113 km a lo sud de Turquía y 120 km a l'ueste de Siria a on se clava la Republica de Chipre, un estau internacionalment reconoixiu, pero que nomás controla que los dos tercios d'o sud d'a isla. O tercio norte fue ocupau por Turquía en 1974, establindo-ie la Republica Turca d'o Norte de Chipre. Este zaguer territorio ye reconoixiu nomás que por Turquía. En a isla tamién se i troban os enclaus sobirans d'o Reino Uniu d'Acrotiri y Dhekelia.
Toponimia O nombre de Chipre tien relación con o nombre d'o cobre u arambre en griego. En aragonés medieval s'escribiba Chipre u Gipre, como en a versión A d'as Cronicas d'os Chueces de Teruel.
Organización politico-administrativa A Republica de chipre se troba dividida en seis districtos: Famagusta, Kyrenia, Larnaca, Limassol, Nicosia y Pafos. Tanimientres, ista división ye parcialment teorica, en trobar-se realment os districtos de Famagusta y Kyrenia (amás d'una part d'o districto de Nicosia) baixo lo control de l'autoproclamada "Republica Turca d'o Norte de Chipre". En no estar reconoixida dita republica internacionalment, a toz os efectos se considera que toda la isla fa parte d'a Republica de Chipre.
A la vegada, cada districto se subdivide en municipios, que pueden estar municipios rurals u municipios urbanos. Existen 33 municipios urbanos, con un alcalde y un concello esleyius cada cinco anyos, a on l'alcalde poseye toz os poders executivos, y 549 municipios rurals, con atribucions mas restrinchidas.
Esporte Categoría principal: Esporte en Chipre.
Chipre en os Chuegos Olimpicos 50px en os Chuegos Olimpicos. Categoría principal: :Categoría:Chipre en os Chuegos Olimpicos.
Chipre en os Chuegos Olimpicos ye representada per lo Comité Olimpico Nacional de Chipre, creau en l'anyo 1978 y miembro d'o Comité Olimpico Internacional dende ixe mesmo anyo. O Comité Olimpico Chipriota seguntes o COI. Os suyos esportistas participoron por primera vegada de forma independient en os de Moscú 1980 y participa de forma ininterrumpida dica l'actualidat (2026). En a suya participación en las edicions de Chuegos de verano o país ha obteniu un total de 2 medallas d'archent en esgrima.
En os Chuegos Olimpicos d'Hibierno ha participau en todas as edicions dende os Chuegos de Lake Placid 1980 de forma ininterrumpida dica l'actualidat. En a suya participación en las edicions de Chuegos d'Hibierno o país no ha obteniu garra medalla ni clasificación destacada dica l'actualidat (2026).
Referencias
Vinclos externos
*