Ta atros emplegos d'o toponimo Turrillo, se veiga Turrillo (desambigación).

Turrillo (Torrijo de la Cañada en castellano) ye un municipio aragonés d'a provincia de Zaragoza situau en a comarca d'a Comunidat de Calatayú y partiu chudicial de Calatayú.

A suya población ye de 245 habitants (2015), en una superficie de 75 km².

Toponimia O toponimo Torrillo u Turrillo se remonta a lo latín TURRICULUM con o sufixo diminutivo -ICULUM, que ha dau en aragonés -ello/-illo. S'ha proposau una identificación con os antigos Termes y Turriga, manimenos as mencions ya seguras en o Fuero de Calatayú son ya como Turrillo, y en "Rationes decimarum Hispaniae (1279-80): Aragón y Navarra" figura como Torrillo. Este sufixo -illo prenio a forma -icho en l'aragonés d'as comunidaz aragonesas, y se podeba representar con -x-, d'astí variants documentals como Torrixo que se troban en textos locals y en o fogache de 1495.

Cheografía Ye situato en a ribera d'o río Manubles, a 725 metros d'altaria sobre o livel d'a mar y a una distancia de 120 km d'a ciudat de Zaragoza, a capital d'a suya provincia y d'Aragón.

Demografía

Historia S'interpreta que tenió os nombres de Termes y Turriga en a epoca celtibera y romana. Apiano menciona Termes con motivo d'a guerra numantina. En a mitolochía cristiana se menciona tamién este lugar como a on Daciano, que s'ha demostrau que ye en personache inventau y recurrent, mandó marturiar a Sant Félix y Santa Regula.

En o sieglo XII ye conquiesto por Alifonso I.

En o sieglo XIV feba part d'a seixma d'el río Manubles, adintro d'a Comunidat de Calatayú.

Administración Reparto de concellers Eleccions municipals Partiu 1979 1983 1987 1991 1995 1999 2003 2007 2011 Partido Popular 5 Partido de los Socialistas de Aragón 2 Total 7

Alcaldes Lista d'alcaldes Lechislatura Nombre Partiu politico1979–1983 Esteban Pacheco López UCD1983–1987 Desiderio Herrero Martínez PSOE1987–1991 César Molinero Clerencia PSOE1991–1995 César Molinero Clerencia PSOE1995–1999 Esteban Pacheco López PSOE1999–2003 Félix Serrano González PP2003–2007 Pablo Latorre Hombría PSOE2007–2011 Juan Domingo Pacheco Lafuente Partido Aragonés2011–2015 Juan Domingo Pacheco Lafuente Partido Aragonés2015–2019Juan Domingo Pacheco LafuentePartido Aragonés2019–20232023–2027 Ana Cristina Aparicio Báez Consulta el listado de alcaldes que han sido proclamados en Aragón en Heraldo de Aragón PSOE

Puestos d'intrés Ilesia de Nuestra Sinyora de l'Hortal. Casa d'o Lugar. Restas d'o castiello.

Fiestas "Las Letanías", 24 de mayo, con romería ta l'ermita de Campo Alavés. Fiestas mayors, 10-12 de setiembre, en honor de Sant Félix y Santa Regula.

Se veiga tamién Lista de municipios de Zaragoza.

Referencias

Vinclos externos torrijo.galeon.com

*