Ernesto Guevara naixiu de Rosario, Archentina o 14 de chunio de 1928 y muerto en La Higuera, Bolivia o 9 d'octubre de 1967, dito lo Che Guevara u simplament lo Che, estió un politico revolucionario y líder guerrillero.

Biografía Naixito de Rosario en una d'una familia burguesa. Pareixe que cuan teneba dos anyos enferma d'asma, que tien mientres tota la suya vida, y por ixo la suya familia se tresladó ta atro puesto con clima mas xuto, Alta Gracia (Cordoba, Archentina), sin que a suya malautía amillorase. A suya educación primaria estió en a casa suya, a cargo d'a suya mai, Celia de la Serna.

Estudió Medicina en a Universidat de Buenos Aires y en a suya estancia per ixos estudios se dedicó a chugar a lo rugby, esporte caracteristico d'a clase alta d'a ciudat, primero en l'important San Isidro Club y dimpués, a causa d'as suyas limitacions con lo asma, en o chicot y desapareixiu Yporá Rugby Club (1948) y en o Atalaya Polo Club (1949). Editó alavez la primera revista dedicada a lo rugby de l'Archentina, con o nombre Tackle, y en a cual tamién escribiba cronicas baixo lo pseudonimo Chang Cho, en alusión a lo suyo propio sobrenombre Chancho.

Mas tardi, en 1953, se tresladó ta Guatemala, a on s'une a las tesis populistas d'o president d'o país Jacobo Arbenz, que fue derrocato por os filoimperialistas. Perseguito por os nuevos gubernants, deixa Guatemala ta pasar a Mexico. Astí s'une a lo cerclo revolucionario de cubanos exiliatos que endrezaba Fidel Castro. Estió un d'os supervivients d'a operación "Granma", y chunto a Castro y Camilo Cienfuegos integró la triada que comandó lo trunfo militar d'os revolucionarios contra o gubierno de Batista (chinero de 1959).

Aintro d'o nuevo gubierno cubano organizó y dirichió lo Instituto Nacional de la Reforma Agraria, dende on creya nuevas leis agrarias, dimpués d'expropiar a los grans terratenients. Fue nombrato ministro d'Industria y president d'o Banco Nacional de Cuba. Estió la fegura prencipal d'o internacionalismo cubano, y d'a esfensa d'a solidaridat antiimperialista d'os países d'America, Africa y Asia, que queda reflectata en o suyo discurso en Alcher (1963).

En 1965 sorprende a lo mundo con a renuncia a los suyos cargos gubernamentals en Cuba, ta dirichir a luita revolucionaria d'o Congo. Dimpués d'ista experencia, se dedica a la luita guerrillera en diversos países americanos y, a la fin, en Bolivia (1966).

Preso por l'exercito boliviano, con a colaboración d'a CIA, fue asasinato en 1967. En 1997 as suyas restas, trobatas en 1995, fuoron enterratas en Cuba con as maximas honors.

O Che Guevara s'ha convertito en un mito, y ta muitos chóvens en un idolo y o suyo retrato fotografico, obra de Alberto Korda, ye una d'as imáchens mas reproducidas y iconicas d'o mundo, en lo comercial u no, tanto en o suyo orichinal como en variants que reproducen lo contorno d'o suyo rostro. La explotación comercial de la imagen del Che Guevara, en o diario El País. La historia de la icónica imagen del Che que ha acabado en miles de camisetas en o diario El País. La historia detrás de la foto más famosa del Siglo XX: el Che Guevara por Alberto Korda en Infobae El Che, a 50 años: vivo en la piel, la cabeza y el corazón (más no se puede). Tatuajes de la cara del Che Guevara. El "Che" y Fidel, estrellas del tatuaje... en Cuba. Tamién se le han dedicato muitas cancions como Hasta siempre comandante Che Guevara de Carlos Puebla y versionata por Boikot, u Canción del elegido de Silvio Rodríguez, y multiples publicacions escritas y documentals audiovisuals analisando la suya vida, las suyas andanzas y filosofía, amás d'inspirar novelas y poemas.

Bibliografía

Bodes, José; y López, Coco (1997): Mate y ron: de Rosario a La Habana. Rosario: Ameghino, 219 páginas, 1997.

Referencias

Vinclos externos

Categoría:Archentinos d'ascendencia basca Categoría:Comunistas d'Archentina Categoría:Comunistas de Cuba Categoría:Naixius de Rosario (Archentina) Categoría:Politicos d'Archentina Categoría:Politicos de Cuba Categoría:1928 (naixencias) Categoría:1967 (muertes)