Iste articlo ye sobre un municipio aragonés d'a comarca de Val de Xalón; ta atros usos, se veiga Morata.

Morata de Xalón (Morata de Jalón en castellano) ye una villa y municipio de la provincia de Zaragoza, situau en la comarca Val de Xalón. La suya población ye de 1.146 habitants (2017), en una superficie de 45,9 km² y una densidat de población de 24,98 hab/km²

Cheografía Morata en la marguin dreita de Xalón entre la sierra de Valdonya y Jabacín. Una part de lo suyo termin municipal desaugua enta lo río Griu.

Bi ha un important patrimonio cheolochico, con afloramientos de lo Triasico y Churasico. Aprofitando uns salagons bi ha una fabrica de cemento, de la empresa CEMEX. Una faixa fluvial de lo río Griu en lo termin de Morata puet estar de lo Plioceno y sería de las mas antigas de la val d'Ebro.

Historia A mitat de lo sieglo XIV toz los suyos habitants yeran moros. Juan F. Utrilla Utrilla La población de Calatayud y su comunidad de aldeas, escrito en La población de Aragón en la Edad Media (Siglos XIII-XV) CEMA, Leyere Editorial, 2004. p 422

Toponimia Lo toponimo Morata de Xalón s'interpreta a partir de lo latín MŪRĀTA ("lugar con muros"), y amuestra una evolución fonetica mozarabe, igual que Morata de Tajuña en Madrit. Emilio Nieto Ballester, Araceli Striano: Breve diccionario de topónimos españoles. Alianza Editorial, 1997. p 247. La terminación -ata de Morata se remonta a lo participio pasau latín, que en aragonés central tamién conserva la suya fonetica orichinal, sin que bi haiga relación.

Entre 1495 y 1609 se clamó Morata de Chodes, ye Morata de Xalón lo menos dende 1646.

Claman l'atencion los microtoponimos: Barranco Billota, Collado de l'Abadejo, Valluengo, Mularroya, (en la baixa Edat Meya yera Muela Roya), La Cascarriera, Cueva la sudor, El Prau, Las Balsetas, Valdonya, Valdejudíos, Valdemanzanos, Valdagar, La Planilla.

Luengas y parlas

Actualment en Morata de Xalón, como en toda la Val de Xalón se charra lo castellano rechional d'Aragón, con substrato lingüistico provinient de l'aragonés que se charró en la baixa Edat Meya en las marguins de la val d'Ebro en contacto con lo Sistema Iberico. Se tiene bella conoixencia de lo lexico de Morata de Xalón por publicacions d'habitadors de la comarca que s'han iu interesando en l'aragonés dende los anyos 80. Bi ha un vocabulario comarcal publicau en las zagueras pachinas de lo "I premio literario Bal de Xalón".

Como en toda la redolada, la chent viella encara conserva bel aragonesismo, mas que mas lexicos:

Tronada, rosada, replegar, aguardar, caparra, escais, espinai, rechitar, alfardas, mosquera, remudar, chito, besque, sentir, caler; beluns con grau de castellanización fonetica: estajar, ardacho.

Bel aragonesismo fonetico: Flama, flamilla, farineta, fundir.

Tamién bi ha uns pocos aragonesismos morfosintacticos: Chenero como en aragonés en las palabras la calor, la sudor, la dolor, la fin, el costumbre. Bella forma verbal: imperativos viene, tiene, ves. Bel adverbio y bella locución adverbial: enantes, a puro de, antes con antes, a cotenas, a carramanchones, en cucunillas. Atras locucions aragonesas: pillar capazo, hacer escuplo, por mas que. Perifrasis verbals: en + infinitivo

Demografía

Administración Reparto de concellers Eleccions municipals Partiu 1979 1983 1987 1991 1995 1999 2003 2007 2011 Partido de los Socialistas de Aragón 5 Partido Aragonés 2 Partido Popular 1 Izquierda Unida 1 Total 9

Alcaldes Lista d'alcaldes Lechislatura Nombre Partiu politico1979–1983 1983–1987 1987–1991 1991–1995 1995–1999 1999–2003 2003–2007 2007–2011 2011–2015 María Cristina Andrés Ostariz Partido de los Socialistas de Aragón2015–2019 2019–2023 2023–2027 Luis Velilla Sancho Consulta el listado de alcaldes que han sido proclamados en Aragón en Heraldo de Aragón GMEC

Fiestas Sant Roque y la Virchen, agosto. Los Mayos, 1 de mayo.

Referencias

Se veiga tamién

Linia 200 d'Adif.

Vinclos externos Aragonesismos en Morata

*