Iste articlo ye sobre un municipio aragonés en a comarca d'o Campo de Borcha. Ta atros usos se veiga Alberit.
Alberit de Sant Chuan (Alberite de San Juan en castellano y oficialment) ye un municipio aragonés d'a provincia de Zaragoza, situato en a comarca d'o Campo de Borcha. Fa parte d'o partiu chudicial de Tarazona.
A suya población ye de 99 habitants (INE 2011), en una superficie d'11,23 km² y una densidat de 8,82 hab/km².
Cheografía Alberit de Sant Chuan ye situato en a val de la Uecha, a 375 metros d'altaria dencima d'o ran d'a mar, y a una distancia de 60 km de Zaragoza, a capital d'a suya provincia y d'Aragón.
Toponimia O toponimo Alberit deriva seguntes beluns de l'arabe al-barit («a posta» u «a posada») Pascual Miguel Ballestín Toponimia Mayor de Aragón: ciudades, villas, lugares, aldeas, ríos, montañas y territorios, Gara d'Edizions, 2015, , p.36, pero seguntes belatros provién d'o latín ARBORETUM u "puesto con árbols" Juan Antonio Frago Gracia: Toponimia del Campo de Borja. Estudio lexicológico. Institución Fernando el Católico, p 27., conservando a xorda intervocalica seguntes a fonetica aragonesa y mozarabe.
Figura como Alberit en un documento de 1158, cuan o Papa Hadrián IV confirma a lo bispe de Zaragoza a posesión d'as ilesias d'a diocesi, y confirma as mugas d'o bispato d'alcuerdo con as que fació o rei visigodo Wamba:
Historia A primera vegata que apareixe en a documentación medieval ye en 1127, cuan Alifonso I dió a García Iñiguez de Sant Celedonio as casas que teneba en Tudela y confirmaba atras posesions, entre ellas una heredat en Alberit. Alberit de Sant Chuan en a Gran Enciclopedia Aragonesa
Pertenexió a os templers, pero cuan o Temple deixó d'esistir, pasó a estar de l'Orden d'o Hespital de Sant Chuan de Cherusalén, d'on prene l'apelativo dende 1920. Antonio Ubieto Arteta: Historia de Aragón. Los pueblos y los despoblados I, Anubar Ediciones, Zaragoza, 1984, , p. 56.
Demografía
Administración Reparto de concellers Eleccions municipals Partiu 1979 1983 1987 1991 1995 1999 2003 2007 2011 Partido Aragonés 1 Total 5
Alcaldes Lista d'alcaldes Lechislatura Nombre Partiu politico1979–1983 Alejandro Lete Domínguez Independient1983–1987 Fraca Gimeno, Mario AP/PDP/UL1987–1991 Lete Dominguez, Alejandro PAR1991–1995 Gimeno Lete, Roberto PAR1995–1999 Lete Vela, Alberto S. PAR1999–2003 Lete Vela, Alberto Santiago PAR2003–2007 Alberto Santiago Lete Vela PAR 2007–2011 Alberto Santiago Lete Vela 2007–2011 Roberto Gimeno Lete Partido Aragonés2011–2015 Roberto Gimeno Lete Partido Aragonés2015–2019 Roberto Gimeno Lete Partido Aragonés2019–2023 Alicia María Ballesta Alcega Partido Aragonés2023–2027 Manuel Alcega Domínguez Consulta el listado de alcaldes que han sido proclamados en Aragón en Heraldo de Aragón Partido Popular
Puestos d'intrés Ilesia de Nuestra Sinyora de l'Asumpción, una ilesia con un abside en estilo mudéchar d'o sieglo XIV. Restas d'o castiello. Arco de Sant Chuan. Peirón de Sant Gregorio, tamién clamau de Santa Quiteria u d'o Santismo Sacramento, que se troba chunto a lo camín d'Alberit enta Bureta.
Fiestas Santismo Furtau, primer domingo de febrero. Sant Cosme y Sant Damián, 27 de setiembre.
Referencias
Vinclos externos
*