Visalibons (en castellano Visalibóns) ye un lugar de la provincia de Uesca situato en la comarca de Ribagorza, en lo municipio de Torlarribera. La suya población en 2001 yera de 12 habitants.
Toponimia Lo suyo toponimo significa Villa de Lupón y presenta lo sufixo aragonés -ón, sufixo que deriva de lo sufixo latín -O, -ONIS. Este sufixo se podeba fer servir pa fer enmotadas, d'astí que se trobe con nombres d'animal. Lupons ye la evolución aragonesa de lo chenitivo LUPONIS (de Lupón) que sonoriza (p > b) en Ribagorza dando en este toponimo libons.
VILLA LUPONIS >* Visa lupons > Visalibons.
La -s- que provinient de -LL- ye un caso de ribagorzanismo, una evolución fonetica que d'antes se daba en tota l'Alta Ribagorza y en la mitat occidental de lo Pallars y que ha deixato toponimos como Castieso en Val de Castanesa. Ye un caso parellano a las evolucions de la -ll- enta -ch- en Bielsa u enta -t- en atros puestos, y puet representar una evidencia de que los caracters aragoneses yeran d'antes mas extenditos enta l'este n'istas parzanas de muga linguistica gradual con parlas de transición entre l'aragonés y lo catalán con ventallo d'isoglosas.
Variants medievals de lo nombre son, en latín y romanz: Villalobos, Uilla Luponis, Uilla Loporis, Uilla Lopons, Elleboni, Bissalebons, Luporis, Lupons, Visalibons. thumb|250px|Ermita de Sant Sadurnín (Visalibons) Veyer tamién Lista de municipios de Uesca
Categoría:Lugars de Torlarribera Categoría:Localidaz d'a diocesi de Balbastro-Monzón en Ribagorza