Mundir ibn Yahyá al-Tuchibí Mu'izz al-Dawla, naixiu de Saraqusta l'anyo 1019 y faleixiu en ixa mesma ciudat l'anyo 1038, estió rei d'a taifa de Saraqusta de 1035/1036 a 1038.
No bi ha muitos datos sobre lo rei Mundir II de Saraqusta, que perteneixeba a lo linache d'os Banu Tuchib. As fuents que recentan os feitos d'ista epoca se centran en a conspiración que fació contra él un parient d'a linia prencipal d'iste linache, dito Abd Allah ben Hakam. En l'anyo 1035 puyó a lo trono lo falso califa Hisham II en Sevilla, pero Mundir II de Saraqusta se negó a reconoixer a suya autoridat como, d'atra man, heban feito toz os suyos antecesors dende Mundir I. Manimenos, ista estió la incusa d'o suyo primo, Abd Allah ben Hakam, qui quereba proclamar-se rei d'a taifa, ta fer una conspiración que rematarba con l'asasinato de Mundir II en 1038. Dezaga d'istos feitos bi habió grans alteracions populars en Saraqusta que rematoron con a fin d'a dinastía tuchibí, y l'orichen d'o periodo de monarquía hudí dende 1039, en o que accede a lo poder Sulaymán ben Hud al-Musta'in, que en ista epoca yera gubernador de Leida.
Bibliografía María José Cervera Fras: El reino de Saraqusta, Zaragoza, CAI, 1999. ISBN 8488305931 José Luis Corral: Historia de Zaragoza. Zaragoza musulmana (714-1118), Zaragoza, Ayto. de Zaragoza y CAI, 1998. ISBN 8480691557 Alberto Montaner Frutos: "Introducción histórica" al capítulo "El palacio musulmán", en: Bernabé Cabañero Subiza et alt., La Aljafería (vol. I), Zaragoza, Cortes de Aragón, 1998. págs. 35-65. ISBN 8486794978 María Jesús Viguera Molins: Aragón musulmán, Zaragoza, Mira editores, 1988. ISBN 8486778069 María Jesús Viguera Molins: El islam en Aragón, Zaragoza, CAI, (Col. «Mariano de Pano y Ruata», nº 9), 1995. ISBN 8488305273
Vinclos externos Mundir II en www.nubeluz.es
Categoría:Muertos en Zaragoza Categoría:Naixius de Zaragoza Categoría:Reis d'a Taifa de Saraqusta Categoría:1019 (naixencias) Categoría:1038 (muertes)