L'oceano Pacifico ye una masa d'augua, estando amás a mas gran d'a Tierra, ocupando a tercera parti d'a suya superficie. Jean-Claude Corbell y Ariane Archambault: The Visual Dictionary of Universe & Earth, QA International, 2009, , p.61. S'estendilla alto u baixo 15.000 km dende la mar de Bering en l'oceano Arctico por o norte, dica las marguins concheladas d'a aMar de Ross en l'Antarctida por o sud. Adube lo suyo mayor amplo (de l'orden de 19.800 km), a alto u baixo 5 graus de latitut norte, estendillando-se dende Indonesia en Asia dica la costa de Colombia en America d'o Sud. A muga occidental de l'oceano ye l'estreito de Malaca.
O Pacifico contien alto u baixo 25.000 islas (mas que toz os atros oceanos d'o mundo combinaus) y cuasi todas se troban situadas a lo sud d'a linia d'o Ecuador. O Pacifico cubre una superficie de 179,7 millons de km². O punto mas baixo d'a superficie d'a crosta terrestre, a fuesa d'as Marianas, se troba en l'oceano Pacifico.
O primer europeu que alufró la inmensidat de l'oceano Pacifico estió lo fidalgo y explorador espanyol Vasco Núñez de Balboa, qui lo día 25 de setiembre de 1513, dimpués d'haber preso posesión d'as suyas auguas en nombre d'os reis de Castiella, li otorgó lo nombre de mar d'o Sud a la graniza amplaria d'augua que atisbó dende una tuca situada en l'estreito de Panamá.
O suyo nombre actual ye obra d'o navegant portugués Fernando de Magallanes.
L'explorador portugués Fernando de Magallanes demientres a suya expedición arredol d'o mundo a lo servicio d'a Corona d'Espanya, nombró a iste oceano pacifico pos demientres a mayoría d'o suyo viache dende l'estreito de Magallanes dica las Filipinas, lo trobó en calma. Sindembargo, o Pacifico no perén fa honor a o suyo nombre, pos a sobén os tifons, os huracans y los tierratremos zumban as islas d'iste oceano y os litorals continentals.
Veyer tamién Mar d'o Sud. Chile. Hawai. Chapón. Perú. Oceano.
Referencias
Vinclos externos
South Pacific Organizer. Map South Pacific. Pacific Pictures.
*