L'Alto Millars (en castellano Alto Mijares, en catalán Alt Millars) ye una comarca valenciana de l'interior y montanyosa, con capital en Cirat.
Mugas Muga a lo norte y nord-ueste con Aragón, a lo nord-este con l'Alcalatén, a lo sud-este con a Plana Baixa, y a lo sud muga con l'Alto Palancia.
Ha tenido muita relación con Teruel.
Historia Part d'os pobladors medievals yeran musulmans forachitatos d'a costa y la plana de Castellón dimpués d'a Reconquiesta. A población d'as marguins de l'Alto Millars yera morisca de tot: Montanellos, Montán, Aranyuel, Pandiel, El Tormo, Torrechiva, Espadiella, Ayódar, Fuents d'Ayódar, Villamalur, Archelita, Vallat, Fanzara y Ribesalbes.
Parla
Ye una comarca castellanoparlant, a on se charra o churro, variedat d'o castellano con mas substrato aragonés que a parla baturra y un adstrato catalán.
A f- aragonesa ye castellanizata no como h-, sino como j-, herencio d'una h aspirata que encara existe en parte de l'andaluz y l'extremenyo, que ha evolucionato en l'Alto Millars enta a j castellana normal, igual que en o caso de joder d'o castellano cheneral que bien de foter. jondo, jundir, jacé, jumar, Jelipe.
Se conserva o pronombre adverbial ende, (en aragonés actual en/ne).
Bibliografía Emili Casanova. La frontera lingüistica castellano-catalana en el País Valenciano. Revista de Filología Románica, Vol. 18, (2001) pachinas 213-260. Rafael Lapesa. Historia de la Lengua Espanyola. Editorial Gredos (1981).
Categoría:Comarcas que mugan con Aragón Categoría:Comarcas churras