Pano ye un lugar d'a comarca de Ribagorza, perteneixient a lo municipio de Graus. Catálogo de pueblos y municipios de Aragón. Estadística de población y nomenclaturas toponímicas entre 1900 y 2004 (PDF), Gubierno d'Aragón, 2005, , p.364 Ye despoblau dende 1991.
Cheografía Se troba en a versant d'a Cinca, baixo un cuello en a vía natural de comunicación d'a Baixa Ribagorza con A Fueva, a una altaria de 891 metros dencima d'o livel d'a mar y a una distancia de 99 km d'a ciudat de Uesca, la capital d'a suya provincia.
Historia O suyo castiello s'edificó porque yera un punto estratechico important dende a on se vei a cuenca de l'Esera y d'a Cinca. Se i controla tamién o camín natural de saldta dende A Fueva ta la Baixa Ribagorza.
Toponimia O toponimo provién d'o latín pandu (curvo, con bultos, un poquet doblegau, como o termino inchenieril pandeyo) y se troba en bels casos referindo-se a cuellos entre dos monts. A evolución d'o grupo -nd- enta -nn- y dimpués -n- yera normal en l'Alto Aragón antis mas: Pandu > Pando > Panno (sieglo XI) > Pano
Molimentos Una ilesia romanica, as ruinas d'un castiello, y un monesterio abandonato.
Curiosidaz Por estar amán d'o monesterio de Dang Shang Kagyu teneba muitas visitas d'a chen que veniba a estar-se-ie uns días y plegó a tener un restaurant macrobiotico que rechentaban vecins de Balbastro, estando Pano despoblau.
Referencias
Vinclos externos
Categoría:Localidaz d'a diocesi de Balbastro-Monzón en Ribagorza Categoría:Lugars de Graus