Pociello ye un lugar aragonés en a comarca de Ribagorza situau a una distancia de 4 km de Capella, y pertenecient a este municipio. Catálogo de pueblos y municipios de Aragón. Estadística de población y nomenclaturas toponímicas entre 1900 y 2004 (PDF), Gubierno d'Aragón, 2005, , p.390. Perteneixe a l'arcipestrau de Sobrarbe-Ribagorza, en a diocesi de Balbastro-Monzón.
En 2018 a suya población yera de 13 habitants.
Cheografía Ye situau chunto a lo barranco d'el Rurar.
Parla La suya parla se considera catalán y fa parte d'as parlas de transición d'o baixo Isabana. Curiosament o nombre d'o lugar ye aragonés. Este toponimo y atros pueden testimoniar que fa uns sieglos bel carácter de l'aragonés, como a diftongacion d'a E curta latina, teneba vichencia en as parlas de transición entre aragonés y catalán. A parla de Pociello se troba en un cruce d'isoglosas entre l'aragonés y lo catalán, en una zona de transición entre as dos lenguas, y d'os rasgos que se fan servir en a localidaz s'observa que se tracta d'un catalán de transición enta l'aragonés con buena cosa de rasgos foneticos y lexicos aragoneses pero con predominio d'os rasgos catalans, anque no existe acuerdo cheneral sobre este asunto. Enta l'este se troba Llaguarres, que fa servir un dialecto de transición con mayor cantidat de rasgos catalans y enta l'ueste se troba Capella, que ya ye considerau unanimement como aragonés ribagorzano. As isoglosas entre as dos lenguas podrían pasar entre Capella y Pociello.
Demografía
Molimentos Ilesia romanica d'os sieglos XII-XIII, de zaguerías d'o sieglo XII u entradas d'o XIII. Ermita d'el Miralpeix, d'orichen romanico. Ermita de Sant Sebastián (municipios Laguarres-Pociello).
Referencias
Categoría:Localidaz d'a diocesi de Balbastro-Monzón en Ribagorza Categoría:Lugars de Capella