Este articlo tracta sobre el llugar ribagorzano de Viu. Ta altros empllegos d'el termín «viu» se veiga viu (desambigación).
Viu (en castellano Víu) ye un lugar de Ribagorza media occidental situau cerca de La Foradada d'el Toscar, municipio d'a provincia de Uesca a lo que perteneixe. La suya población yera de 25 habitants en 2018.
Toponimia Moisés Selfa i Sastre considera que lo toponimo Viu tiene lo mesmo orichen que Viu de Llevata en Catalunya, a partir d'una radiz bigo a on podrían haber confluito un antroponimo d'orichen franco documentau d'epoca carolinchia (o conte Bigo de Ribagorza) y una palabra basco-aquitana bigo, que en o dialecto alto navarro d'o basco significa "forca".
Manimenos os toponimos tipo Viu, Vio se troban en muitos atros puestos, dica en Asturias, y bel autor lo ha quiesto explicar como un masculín analochico de VIA(M) u dende o latín bivium (cruce de dos vías).
Molimentos A Ilesia de Sant Miguel Arcánchel de Viu, una ilesia d'o sieglo XVIII adedicada a Sant Miguel Arcánchel, que ye la ilesia parroquial d'o lugar. Parroquias del Arciprestazgo de Biescas en o sitio web d'a Diocesi de Chaca.
Referencias
Categoría:Lugars de la Foradada d'el Toscar Categoría:Localidaz d'a diocesi de Balbastro-Monzón en Ribagorza